Radio Romania International

Arhiva :

Agenda aromana Retrospectiva 2011 II - 12.ian.10
(2012-01-10)
Atea dit soni aspuneari: 2012-01-10 22:12 EET Print
Duţim ninte, cu partea a daua, mutrita nâpoi piste evenimentile a anlui 2012. Ama, cum fu faptâ unâ lansare di carte, spunim pi shcurtu shi aestu evenimentu. Sâmbâtâ, 7 di ianuar, fu lansatâ cartea, scoasâ anlu tricut la Paris, tru meslu şcurtu, a domnului Iancu Perifan, “Aduţiri aminte – Trâ armânami”. Lansarea fu faptâ la Cercul di Limbâ şi Literaturâ armâneascâ, a suţatâl’ei culturalâ di Bucureşti. Di numile di mare tin’ie vinite di-tru xeane aduţim aminte, di la suţata AFA, autorlu, tim’isitlu Lale Iancu şi nipotlu a lui, secretar şi mânâ ndreaptâ Niculachi Caracota şi cusurina a lui dit Ghirmânie, poeta Kira Manţu, deadun cu nicuchirlu a l’ei, prezidentul a Consiliului a Armân’lor, Iani Manţu. Amuşi putem s-nâ turnăm la evenimentile a anlui tricut. 14 apr- poeta Kira Manţu nâ prezentă pri-tru poşta electronicâ unâ poetâ fârâ dike mardzinalizatâ şi nâ zbura di adunarea a l’ei cu Sirma Guci, cu zboarâle: “andamusi cu unâ mari poetâ…” SIRMA GUCI - Amânatâ pricânushteari. Sirma Guci eara vinitâ di-tru Gârţie, Bucureşti iu participă şi la Gala aniversarâ di 20 an’i la redacţia armaneascâ di la RRI. 15 apr – Viniri, 15 di Aprilu, la Cercul di Limba shi Literatura Armaneasca - lectura ditu poeziili angrapsiti di George Vrana. - Alexandru Gica dzâţea ma diparte tru aţel email pri-tru care nâ fâţea informarea: - Suntu ti anami aesti nali poemi. Va pitrecu ma-nghiosu una cumata ditu poema capodopera alu George Vrana "To axion esti": Poezia fu publicatâ şi pi nău adratlu atumţea site-u armânescu “Dyeatha”. Unâ publicare pri-tru care aestu site-u agiumse axe, s-dzâţim aşi, trâ bana culturalâ armâneascâ. Tut 15 aprier – concertu la Belgrad, în cadrul a importantului festival internaţional "Fonart-The Lost languages of Europe" ica "limbili Europiani cari s-agrashescu". Festivalul s-ţânu tru dzâlile 14-19 apriliu 2011. La aistu festival, pi dzua 15 di April tu "Casa-a Tinjirlor"- "Dom Omladine"- Beograd, […] parea di cantator Armanj "Gramusteanj" di Scopia R.Machedonia, tsanu contsertu cu chiro di 70 min. Dzâţea domnul Gh’iorgh’i Giuiape. Di la aţel festival didea informare şi domnul Vanghiu Gheorghiev: Easti interesantu s-aduc aminti că dumânicâ pareia fu cl’imatâ (cu agiutorlu a livendâl’ei ş-niobositâ anoastâ armânâ Lila a Conean’lor) la unâ emisiune la Televiziunea Naţionalâ sârbâ, cari urdinâ ţinţi an’i cu arada sâmbâtâ şi dumânicâ, şi easti mutritâ pânâ 40 la sutâ populaţia sârbâ cum şi alanti di Republica Yugloslavia. 17 apr – Primuveara a Armanjloru – Editsia V “Avrachi di Vreari” (Buchet de Iubire) Consiliulu a Tinirilor Armãnji dit Fara Armãneascã dit Romãnia, manifestare ndreaptâ, Dumãnicã, 17 apriliu, Sala Radio Bucureshti. 23 apr – dzuâ di Agh’iGh’iorgh’e, hâbare laie di la suţata di Veria, pitricutâ di domnul Gh’iorgh’e Prapa: “ Asãndzã si feaci ngruparea (the funeral) alu Yioryi Tsiamitru cama vecljiul membru a Sutsatãleji Armaneasca di Veria. Ljiertatlu Yioryi avea unu suflitu armaneascu curatu, eara unu Armãnu livendu, curajiosu shi pirifanu ca analtsilji mundzãlj di Xirulivadu. 21apr – dupu cum nâ informa domnul Hrista Goci, Tirana, avu adunari komunitatea orthodhoxa armaniasca la "Sutcata Biblika Albaneza" […] Eventu eara cu mari interes catse ti prota oara Evanghelu dupu Luca si deadi cu boatsia originala ali patriota anoasta Lefteria GJOSHE turnate di idia cu mari pidhimo shi meraki pi Limba Armaniasca. Lefteria easti filologa ti limba Albaneza shi Rusa. Activista di 20 anj tu sutsata "Armanji di Albanii", presidenta di Regionu di Erseka(Kolonia). 29 apr – evenimentu la Muzeul Taranului Roman, di Bucureşti, la care lo parte Florentina Costea, deadun cu formaţia Via Balkanica 3 mai – La suţata culturalâ armâneascâ di Bucureşti adunare cu istoriclu Adrian Majuru, moderatâ di avocatlu şi poetlu George Vrană. Adrian Majuru easte directorlu a Muzeului di Artâ popularâ “Nicolae Minovici, di-tru 1998. Tema a discuţil’ei, cartea di-tru 2005, simnatâ Adrian Majuru, cu titlul “Familia Minovici. Univers spiritual”. Mina Minovici, adra tu 1892 Institlu di Medicina Legala ditu Romania (protlu ditu lumi) -Nicolae Minovici, adra protlu serviciu di "Salvare" ditu Romania (1906) shi protlu Spital di Urgentsa (1933-1934). Tut elu adra protlu Muzeu di Arta Populara ditu Romania (1905) Dimitrie Minovici, adra Muzeulu di Arta Medievala di Bucureshti (1939-1942). Lipseashti s-dzatsemu ca doauli muzee adusi aminti suntu ninga Gara Baneasa (shi ninga "Fantana Mioritsa"). Casili suntu adrati di fumealjea Minovici. 10 mai – oaspe la Cercul di Limbâ şi Literaturâ a suţatâl’ei culturalâ armâneascâ, gh’iaturlu Dumitru Piceava, editorlu a revistâl’ei Bana Armâneascâ. Tru 2008 işi Cartea di nc’inări, al Dumitru Piceava. Ama, discuţia scoase tru mighdane hărle al Dumitru Piceava, citat, “militantul, jurnalistul, apriducâtorlu şi poetlu Dumitru Piceava”. Tru cartea di ncl’inări, a traducătorlui Dumitru Piceava, la Psalmul 50. al David, videm canda unâ autocaracterizare al Dumitru Piceava şi a iţe om ţi are scupoluri analte tru lumea aestâ: M’iluia-me, Dumnidzale, după marea m’ilâ a Ta, şi după mulţâmea a arâvdărlor a Tale, ashteardze fârâdi nomlu a meu. Ma vârtos aspealâ-me di fârdinomlu a meu, şi di amârtia a mea anâscârse-me (curâ-me). Că fârâdinomlu a meu io-lu cunoscu, şi amârtia a mea nâintea a mea easte daima. [...] Viniri, 20 mai, dupu cum nâ informa Lila Cona, la hotelul Alexandar Palas, di Scopia, fu faptâ promoţia a cartil’ei “Chirolu – Panorama di puizie armâneascâ”. 23 mai – Aniversarea a decretlui imperial otoman, di la 1905, trâ ndrepturle a armân’lor. Bairlu di andamusi ti Dzuua Natsionalâ a Armânjilor – 23 Mai 2011 fu ndreptu di suata Fara armâneascâ dit România, tru gârdina publicâ Parcul Herăstrău. Fu organizat şi un cros, anvârliga di parcu, pi 1,5 kilometri, sâmbâtâ pi 21 di maiu, cu arhiusita şi agiundzirea di-tru Piaţa Charles de Gaulle. 25 mai Suţitatea di Culturâ Macedo-Română, cu agiutor di la Departamentul trâ român’l’i di pri-tut şi cu Academia Română, organiză conferinţa “Armân’l’i – istorie şi actualitate” Prezentara lucrari profesorlu universitar doctor Gheoghe Carageani, di la Universitatea La Sapienza, di-tru casabalu Roma, Italia, Profesorlu doctor cercetator shtiintsific gradlu I Nuicolae Sherban Tanashoca, directolu a Institutlui di studii sud-estu europeane a Academiil’ei Romana, Profesorluuniversitar doctor Nicolae Saramandu, membru a Institului di Lingistica “Iorgu-Iordan – Alexandru Rosetti” a Academiil’ei Romana, Cercetator shtiintific doctor Manuela Nevaci, di la Instiitutlu di Lingvistica “Iorgu Iordan – Aloexandru Rosetti”, a Academiil’ei Romana. 15 cirişar şi 20 cirişar, emisiune tru dauâ părţâ, la televiziunea di-tru România, 10TV, la care fu prezentatâ problema armâneascâ. Participarâ ca invitaţ Costa Canacheu, parlamentar roman, membru tru Camera a Deputaţlor, actorlu şi reghizorlu Ion Caramitru, prezidentul a Suţatâl’ei Macedo-Română di Culturâ, Stergh’iu Samara, prezidentul a suţatâl’ei Fara armâneascâ, ama şi alţâ re[prezentanţâ. Din public zburâ ma mulţâ armân’I, di care u spunim maşi numa a poetâl’ei Kira Manţu, dit Ghirmânie şi Niculachi Caracota di-tru Frânţie. 26 cirişar – Spiro Poci, redactor şef a revistâl’ei “Fârşărotlu” fâţea informare “Bitãsi cu sucesi protu seminar cu dhascadzinj arãmãnj: "Ndreptu-scriarea a limbãljei armãneascã, dupu normili astãsiti Bituli, 1997". 10 alonar – sârbâtoare pi muntile Ponicva, etno-festivalul internaţional “Trâ sum-chetru tuţ armân’l’i tru munte”, a patra ediţie, la care participarâ cântâtorl’I di la pareia “Ghrâmustean’l’i” 19 alonar – lu l’irtă Dumnidă pi preftul giumitate armân, Arsenie Papacioc. Eara duhovnic (pneumatico) la mânâstirlu Techirghiol, di Constanţa; muri la 97 di an’i. Bitisita di alonar. Domnul Tibweriu Cunia easte faptu pi 10 di ianuariu, ama tru bitisita di alonar Octavian Curpaş bâgă tru mesea di vearâ un articol pi internet dispri personalitatea a pârintilui sâ-l’I dzâţim a editurâl’ei Cartea Aromână, di la care un altu autor scoase unâ carte cu numa, di ndoi an’I ninte, “Un Coresi aromân”. 12 agustu – arhiusirâ filmărle la filmul în regia al Toma Enache, “Nu hiu faimos, ama hiu armân”. Tru semnu di tim’ie, cântâtorlu Dini Trandu l’i ncl’ină un CD cu muşate piese musicale, pi care nâ-l pitricu şi la redacţie, la tuţ câte un CD. Evharisto şi tora tru m’iedz di iarnâ, Dini Trandu. S-avdzâm un cântic di a tim’isitlui, “Paplu a meu di Ianina”. 10.ian.2012, Hristu Stergh’iu

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International