Radio Romania International

Arhiva :

Votlu uninominal, tu un an electoral
(2008-03-05)
Atea dit soni aspuneari: 2008-03-05 13:18 EET Print
“Avură ananghi an’i di dzăli tra s-ncace şi maşi şapti săhăţ tra s-aproachi tut nomlu” - ngrăpseaşti presa, după ţi, marţă, Camera a Deputaţlor di Bucureşti apruche băgarea tru lucru a votlui uninominal ti alidzearea, tru un tur di scrutin, a parlamentarlor şi a prezidenţălor di consilii judeţeni. Proiectul leghislativ fu votat cu 231 di voturi tră - exprimate, ţi li deadiră, PNL (la puteari), PSD, PD-L, PC, minorităţ nationali şi independenţă - 11 contra, di partea a PRM (populist, tru opoziţie), şi 18 trădzeari măna, a reprezentanţălor UDMR (la co-guvernare). Nomlu pruveadi că, ahuhrindalui cu leghislativili dit toamna a aluştui an, deputaţl’ii şi senatorl’ii s-hibă alepţă maş tu colegii uninominali şi s-aibă ună ligătură anamisa di numirlu di voturi amintati di ună partie şi mandatili ţi lă si da tru parlamentu. Un deputat va s-reprezintă 70 di n’il’i di bănători, iara un senator 160 di n’il’i. Partiili agiungu tru parlamentu ma s-hibă tru praglu electoral di 5% ică candidaţl’ii a lor amintă şasi mandati di deputat şi trei di senator. Suţatili au ti triţeari un prag electoral ţi easti anamisa di 8 şi 10 proţenti, andicra di numirlu a formaţiun’ilor ţi intră tru ea. Promovat, tu ahurhită di organizaţia non-guvernamentala Pro Democratia, sistemlu mindueaşti s-ndreagă ună ligătură anamisa di alepţă şi aligătorl’i dit circumscripţie şi, tru idyea isapi, s-nu s-agiungă tru cheardirea că lumăchi importanti dit electorat s-armănă nireprezentati. Nomlu nica spuni că di aoa şi nclo s-hibă alepţă pi thimel’ilu a votlui uninominal şi prezidenţăl’i a consiliilor judeţeani. Aestu amendament fu băgat şi andrupăt cu ncuntrari di PSD, cari eastu tru amprotusa tru provinţie la categoria aşi-dzăşlor baron’i locali. Voturli contra şi trădzerli măna era aştiptati. PRM, număsit di politologi partie di lider, a curi imagine yini diplă pisti aţea, tut ma măcată, a senatorlui Corneliu Vadim Tudor, nu ari individualităţ şi u pricunoaşti. Tu arada-l’i, UDMR easti aspăreată că trădzearea mănă di la sistemlu a listilor poati să-l’i n’icşureadză proţentul parlamentar di 6-7 proţenti, cari, pănă tora, u yilipseaşti multu ghini pi aţea a comunitatil’ei maghiari. La prota videari, aputrusitoari, ma multili di voturi favorabili nu lipseaşti s-arădă, căţe easti maşi rezultatlu a zoril’ei media, a soţiitatil’ei ţivili, a Prezidenţiill’ei şi, macsus, a cetăţean’ilor. Dit ’90 şi ncoa, candidatura pi listă lă agiumsi s-hibă a politiciean’ilor romani, cari ţi s-hibă hroma, ună a daua fise. Năulu nom lă bagă zori tra şi spună furteaţa di seducţie nu contra a căpiilor di partie, ţi, ma-l’i bagă tru caplu a listăl’ei, lă asiguripsea alidzearea, că ş-contra a electoratlui di cari s-arăţiră ş-di cari ş-aduc aminti maşi ună oară tru patru an’i. Textul: Bogdan Matei Apriduţearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International