Radio Romania International

Arhiva :

România şi Turchia, ligături tru scară analtă
(2008-03-04)
Atea dit soni aspuneari: 2008-03-04 12:55 EET Print
Dosarlu ali energhie agiumsi leit-motiv ali diplomaţie dit chipită. Moeabeţli fapti luni, Bucuresti, anamisa di prezidenţăl’i roman, Traian Basescu, şi turcu, Abdullah Gul, nu putea s-hibă altă turlie. Criştearea economică mondială gărgiueaşti tut ma ayon’ea şi tut ma multu ditu ma puţănili izvuri di părmătii energhetiti ali Planetă, iara agioclu dari-loari arucă păhălu a combustibil’lor fosili tru scară analtă di agiundză anvărnu. Easti tut ma mari şi simasia geopolitică a statilor ţi aveagl’i yişterli di naftă şi gazi. Tră Europa, aspindzurarea tut ma mari di vinderli aruseşti şi purtaticlu di nai multili ori imprevizibil a furnizorlui, cari filiseaşti hidrocarburli ca lumachi politică, dusiră la căftarea multu di multu a niscăntor alternative. Brevetat tru an’il’i ‘90, niheamă canda s-părea alăsat nanăparti un chiro şi tora ayon’ea, agiumtu tru prota thesi, proiectul a gazoductului Nabucco easti ună di aesti. Cu hărgi fapti isapi ti ţinţi miliardi di euro şi lungu di 3.300 di kilomeatri, gazoductul poati s-leagă Orientul di Mesi şi reghiunea caspică di Europa, pi calea cătă Turchia şi anvărligăndalui Rusia. Prezidentul Gul dimăndă că ş-Bucureşti : “Feaţim moeabeti ti proiectul Nabucco. Aestu easti multu importantu ti noi şi vrem că el să s-ndreagă cât cama ayon’ea.” Tu proectul Nabucco au intrată păn tora şasi stati - Romania, Turchia, Vărgăria, Ungaria, Austria şi Ghermănia. Andrupătă di Bucureşti, acăţarea tru isapi a marlii operator Gaz de France easti nchidicată di Ankara, cari ăl’i cătugurseaşti francezl’i em ti ncuntrata andicra di apruchearea ali Turchie tru UE, em ş-ti pricunuştearea a ghenochidlui antiarmenescu di aoa şi un secul. Ma multu, Rusia nchisi proiectul a l’ei işişi South Stream, la cari s-andrupă şi Sărbia, Vărgăria şi Ungaria şi tră cari niscănţă s-ayun’iusiră să spună nu maş că faţi concurenţă, că şi lu-angroapă Nabucco. Analiştil’i fac timbihi, ama, că perspectivili South Stream suntu ş-ma tu negură. căţe dupu nom, Romania şi Ucraina, ţi mărdzinescu Amarea Lae, pot s-lu ncheadică. Aşi cum pruveadi Convenţia ONU ti ndreptul maritim, South Stream nu poati s-treacă prit locurli di exclusivitati, di 200 di n’il’i marini, a aţilor dauă stati fără s-aibă izinea a lor. Bairlu a lucurlui deadun energhetic turco-romăn nu s-dănăseaşti, ama la Nabucco. Aşi cum spuni prezidentul Băsescu : “Zburăm ş-ti ma vecl’iul proiectu româno-nturţescu di ndridzeari a unlui cablu submarin cari s-leagă sistemlu energhetic românescu di Turchia, avândalui tu videală disponibilităţli energhetiţi ţi România li ari tru chirolu di tora ş-cari va s-hibă ma mări anda va s-bitisească reactoarili 3 şi 4 a ţentralăl’ei nucleară di Cernavodă.” Textul:Bogdan Matei Apriduţearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International