Radio Romania International

Arhiva :

Isapea antiaruşfeti
(2008-02-27)
Atea dit soni aspuneari: 2008-02-27 12:33 EET Print
Bubuşari tră politiciean’i, cruciaţ pi cal’i alghi tră cetăţean’il’i di arada, procurorl’ii antiaruşfeti dit România şi spusiră, marţă, isapea ti anlu ţi tricu, isihăsindalui, proţl’i şi lă asparsi chefea la aţel’i dit soni. Alăsăndalui nanăparti isăchili, presa bagă zori şi cundil’eadză ti hăbarea faptă di caplu a Departamentului Naţional Antiaruşfeti, Daniel Morar, că tru aşi-număsitlu "Dosar flota" s-deadi, nica dit andreu, apofasea ti scutari di sum avigl’eari penală, tuţ stipsiţl’i, căţe, dupu expertiza financiari, s-agiumsi pi isapea că nu ari zn’ie. Vara 80 di inşi, di la foşţă miniştri a Transporturlor la funcţionari dit scara di mesi, suntu, aestă turlie, ciudusiţ tu ancheta ţi lipsea să s-apufusească turlia tru cari flota comercială românească ş-chiru, tru an’il’i 1991 şi 2000, tuti pamporili di mari capaţitati, prit ună suţată paranom faptă anamisa di Compania Petromin di Constanţa (portu la Amarea Lae) şi un ună parei di firmi privati dit Norvegia. Acă stipsit di adversari că feaţi dit DNA hălatea işişi politică, tamam prezidentul Traian Băsescu, el işişi protagonistu a Dosarlui Flota, armăni s-asteaptă ună idyea apofasi. Nicuchir la Transporturi tu an’il’i ’96 şi 2000, Băsescu s-hărseaşti, tora, ca prezidentu, di imunitati, aţea turlie că partea dit dosar tu ligătură cu el fu disjunsă. Formal, Băsescu va s-nveaţă că nu ari căbati tăş după ţi va ş-bitisească mandatlu. Cu alti zboară, caplu a DNA easti cărtit. “Funcţionarl’ii a statlui suntu sum apanghiu dinintea a instanţilor, iara cu estă turlie di pideapsi nu mata s-aspari vărnu di condamnărli tră faptili di aruşfeti” – adil’e Morar, cutugursindalui că, tru 2007, dit 109 di infractori condamnaţ, maş vără cirec, 28, agiumsiră tu hăpsani. Alanţă 81 loară condamnări cu supendari. Pideapsili suntu lişoari şi da curayiu ti s-facă aruşfeti – lugurseaşti Morar. El u stipseaşti em indulgenţa a giudicătorlor andicra di “criminalitatea a iaţilor albi” tu comparaţie cu apofasili ţi s-deadiră tru cazurli a “criminalitatil’ei cu prişcăvil’e”, em şi ună nfărmăcoasă suţăl’e cu isnafea anamisa di instanţi şi magistraţl’i agiumţă el’i işişi tru cutarlu a hăpsanil’ei. Tu ahtări cazuri, instanţili s-dănăsescu la n’icuramea a pideapsil’ei, nu la maxima. Ma multu, trei giudicători condamnaţ anlu ţi tricu ti fapti di aruşfetie (di aeşţă doi cu suspendari) s-hărsisiră di circumstanţi atenuanti, sum pretextul halucinantu că “nu era recidivişţă.” Em, “cara vrea s-avea antecedenti penali, numata vrea s-eara tu ipotisi, easti limbid!” – nica spuni Morar, stipsindalui sentimentul că tru proţesili di aruşfeti “instituţiili a statlui s-veagl’e un alantu.” Textul: Bogdan Matei Apriduţearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International