Radio Romania International

Arhiva :

Europa şi prizonierii americanilor
(2008-02-26)
Atea dit soni aspuneari: 2008-02-26 15:13 EET Print
Tema recurenta tru polemiţli transatlantiţi, aşi ghio taha s-fură, operaţiun’i măryiti antiteroristi ali CIA tru Europa plăscăniră diznău tru moeabeţli publiţi. Soţ stateghic a Statilor Uniti, parti a suţatăl’ei antiteoristi dit Afganistan şi Irak şi catandisea pi calea anamisa di Orientul di Mesi şi Ocţidentu, Romănia pari s-hibă, deadun cu Polonia, stipsitlu di lucru. Comisia Europeană dimăndă că aşteaptă cât cama ntrăoară di partea a Bucureştiului, cama pi largu ti investigaţiili interni ligati di aşi dzăsili azboiuri şi ţentri di hăpsinatiţ ali CIA pi locurli a văsiliil’ei. Bruxellesul caftă şi ună carti dupu raportul ali comisiei parlamentară di anchetă, cari, anlu ţi tricu, cundil’ea că stepsurli băgati ali Romănie di raportorlu a Consiliului ali Europă, Dick Marty, suntu ninătimil’eati. Năulu episod a căvgălui-arău pari s-hibă apridunat di stepsurli, băgati a unui ofiţer romăn - cari, cu ngătan, s-pari că ari căftată s-nu-l’i si spună numa – că la ună bază americană dit Romănia s-ari faptă purtarea di “sfinduchi cidioasi”. Vichimu di virtuali terorişţă pi cari, ta s-l’iascundă di ocl’i ţi bagă oară, american’il’i s-pari că l’iari ampăturită tru vilendză şi spargani. Friso Roscam Abbing, purtătorlu di zbor a viţeprezidentului ali Comisie, Franco Frattini “Lă căftai a autorităţlor români şi polonezi s-apăndăsească la aesti stepsuri. Căţe? Căţe dit Carta Europeană ti Ndrepturli a Omlui iasi tu videală limbid borgea morală tra s-nchisească investigaţii atumtea cându ari ahtări stepsuri. Easti zborlu ti ună practică di jurisprudenţă apufusită di Curtea Europeană ti Ndrepturli a Omlui di Strasbourg. Dimi, ari ună borgi legală şi ună morală ş-politică.” A roman’ilor, ama, ună ahtari zori lă spunea ma multu jurisprudenţa dit an’l’i lăi a comunismului. Căndu, tru proţesli politiţi, stipsitlu eara aţel ţi avea borgi tra şi spună inocenţa, şi nu procurorlu să-şi spună desi suntu dealihea ică nu, stepsurli. Angrăpsindalui că Bucureştiul “easti arcat tu ună ciudie: să spună ţiva ţi nu s-feaţi”, jurnalu ROMANIA LIBERA lugurseaşti că autorităţli “nu au borgi că maşi ti ună apandisi idyea cu aţeali di ma ninti.” Şi dati, cu repetiţie, pi tuti boţli: aţea di ma ninti puteari social-democrată dit 2000 şi 2004, administraţia di tora, di ţentru, Prezidentu, Guvern, Parlamentu, Ministerlu Apărari, serviţi speţiali. Tuti, fără s-tragă mănă, spusiră că nu-i dealihea ti ahtări operaţiun’i măryiti tu locurli ali Romănie. Aţel di ma ninti ministru ti lucri xeani, europarlamentarlu PSD Adrian Severin spunea tut absurdul a catandisil’ei: “Easti un tercl’iu urut cari nu va s-bisească vărăoară. Statili stipsiti spun <> Stipsitorl’i apăndăsescu că nu pot, căţe hăbărli suntu ti nispuneari tru lumi.” Textul:Bogdan Matei Apriduţearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International