Radio Romania International

Arhiva :

Discutie politică intensă
(2008-02-14)
Atea dit soni aspuneari: 2008-02-14 13:41 EET Print
Antâpatu metodic di prezidentul Traian Băsescu, contestat di sindicati şi părţâ ali societati civilâ şi avânda unâ ndrupari parlamentarâ di maş 20 proţente, guvernul minoritar PNL-UDMR di Bucureşti şi-ari asiguripsitâ pânâ tora, armânearea pi lucru prit aranjamenti ascumta cu PSD, PRM şi PC (tu opoziţie). Declarativ, nai puţân, liderlu social-democrat Mircea Geoană arupsi, luni, pactul di neagresiuni şi căftă fudzearea a guvernului şi organizarea a alidzerlor parlamentari, programati ti toamnâ, unâ oarâ cu localili di veara aestâ. Cu pârnoan’ia bâgatâ di işişi membril’i ali pareie a lui, “Nimuritorlu”, premierlu liberal Călin Popescu Tăriceanu dzâsi iara că nu va s-demisioneazâ : “Opoziţia ari cându va ea posibilitatea s-ufiliseascâ instrumentili parlamentari, cari suntu şi politiţi, ta s-lu surpâ guvernul, şi dimi bâgarea unâ moţiuni di cenzură pi adresa a guvernului. Mini nu am naeti s-demisionez. Nu pistipsescu că, macă la nivelul PSD ari nâscânti anumiti planuri, lipseaşti s-himu ş-noi sinfun’i cu eali. PSD ari obiectivili şi strateghiili politiţi a lui.” Analiştil’i bagâ mari pisti pi aesti strateghii, câţe, aşi cum titreazâ jurnalu COTIDIANUL, “PSD s-toarnă tu eta a dinozaurlor”. N’iercuri, prinţipalul partid di opoziţie si-a recuperat adusi diznou la cipit dauâ personaji cari, dupâ chirearea ali puteari, tu 2004, s-părea câ va s-hibâ pimti di mardzinâ ti daima. Aţelu di ma ninti premier şi şef omnipotentu a social-democraţlor Adrian Năstase va u ndreagâ strateghia, ş-ministrul di ma ninti aTransporturlor Miron Mitrea va u coordonedzâ campania electoralâ. Daţ nanaparti tu 2005, la congreslu extraordinar la cari cumândusearea PSD fu loatâ di Geoanâ, doil’i furâ vidzuţ tu chirolu ditu soni ma putân tu ipostazi politiţi şi ma multu la audierli di la Departamentul Naţional Anticorupţie (Antiaruşfeti), iu au, cafi unu, dosari ti loari di aruşfeti. Tra sâ-l’i mobilizeazâ, Mitrea lâ feaţi timbihi a colegan’ilor câ “maca chiemu alidzerli, va vâ poartâ ş-voi pi la DNA!” Mintitu tu ocl’i a electoratlui, di scandaluri di aruşfeti, di convulsiili fratriţidi şi di xichea di autoritati alu Geoanâ, partidlu agiunsi la unâ cotâ di vârâ 25% di naeţli di vot, cu 10 proţenti ma puţân di tu 2004. Or, bagâ oarâ ROMANIA LIBERA, câţe nbu putu s-aflâ soluţii reali, “PSD şi ânvârtuşeadzâ cu cadri penalie”. Jurnalu ngrâpseaşti ş-câ “Geoanâ pistipsea câ prinţipala a lui misiuni easti s-tânâ ziga tu echilibru. Pân tu soni ama agiunsi la rolu di tampon, deadi nanaparti iţi sirţâl’ie, s-turnă la pareia di ma ninti şi aşi scoasi tu padi urfâneaţa, inconsistenta şi uzura a partidlui.” Autor: Bogdan Matei Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International