Radio Romania International

Arhiva :

KOSOVO ŞI EFECTUL EUROPEAN A DOMINOULUI
(2008-02-14)
Atea dit soni aspuneari: 2008-02-14 12:39 EET Print
Proclamarea a independenţâl’ei ali provinciei sârbeascâ Kosovo, iu nai ma multâ di bânâtori suntu etniţ arbineşi, facu dun’iaua s-adunâ gaile câ şi alti provinţii separatisti ditu Europa va s-hibâ âncurajati s-amintâ pricunuştearea internaţionalâ ali statalitati. Unu efectu di domino, dzâţi aghentia France Presse, cari da, ti exemplu, tendinţili chentrifudzi baschi şi catalani ditu Spania, flamandi, di Belghia şi scoţiani, ditu Marea Britanie. La aesti putemu s-adâvgămu exemplul cunuscutu, ali Transnistrie, provincie majoritar rusofonâ aruptâ ditu R. Moldova, majoritar românofonâ, tu 1992. Reacţiili a statilor europeani cari lipseaşti s-ţânâ cheptu a separatismului suntu, dimi justificati. Spania deadi hâbari câ nu va u pricunoascâ independenţa unilateralâ a Kosovo, motivanda câ nu ari unu consesnsu european, stabilitatea a Balcan’ilor şi tin’ia ti nomurli internaţionali. Romania, membrâ a UE ditu 2007, apără ş-ea statu-quoulu ali Sârbie ; avand tu amorsâ piricl’iu ali Transnistrie di la sinur ama şi aţelu a unui separatismu maghiar nuntrul ali vâsilie, ea si spuni “de jure” contra ali statalitati ali Kosovo. Preţizarea easti importantâ, câţe, tu realitati, nâscânti elementi ducu la concluzia câ Bucureştiul s-poati pân tu soni s-tragâ mânâ, şi s-aproachi deţizia majoritatil’ei a statilor ditu UE. România agiutâ nica di tora indirectu, la statalizarea ali provincie majoritar arbinişeascâ, pritu participarea a l’ei la Misiunea Europeanâ EULEX di Kosovo. Ari ândoi factori cari justificâ relativa ambiguitati a poziţiil’ei ali Românie cari penduleazâ anamisa di pâstrarea a bunilor ligâturi di viţinatâ cu Sârbia şi borgea a l’ei di membru ali UE. S-nu agârşimu câ autorităţli sârbeşti au declaratâ, di ma multi ori, câ Belgradlu va li mutreascâ diznou ligâturli ţi li ari cu vâsiliili cari va s-pricunoascâ independenţa Kosovo iara România nu va s-aibâ anvârliga viţin’i nioaspiţ. Ligâturli cu Ucraina şi R.Moldova suntu ca mintiti, iara Vâryâria şi Ucraina reprezintâ sursi di potenţiali ncâceri teritoriali icâ ligati di minorităţi etniţi. Di altâ parti, Transnistria ari declaratâ ca va s-caftâ pricunuştearea ali statalitati a l’ei, tu cazlu a unui Kosovo independentu, eventualitati datâ nanaparti categoric di România, adeptâ ali unâ R.Moldova integrâ. Bruxelleslu ufiliseaşti , pi suta di meatri ditu soni, tuti instrumentili dipolomatiţiţi li ari tu mânâ ta s-cândâseascâ vâsiliili membri ţi nu aproachi independenţa Kosovo di ananghea s-hibâ pricunuscutâ. Câţe s-nu pistipsimu tu consecinţâ, ca şi vizita ţi u feaţi tora ayon’ia prezidentul ali Franţâ, Nicolas Sarkozy, Bucuresti, avu tu scupo conectarea ali Românie la pozitia a majoritatil’ei a statilor europeani, favorabilâ ti independenţa Kosovo? Autor: Valentin Tigau Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International