Radio Romania International

Arhiva :

Obiectivili ali diplomaţie româneascâ
(2008-02-06)
Atea dit soni aspuneari: 2008-02-06 12:32 EET Print
2008 nu va s-aducâ alâxeri majori tu politica cu xeanili ali Românie - aestâ easti concluzia ali andamusi di marţâ cu presa a şeflui ali diplomaţie di Bucureşti, Adrian Cioroianu. Simptomatic, cu tuti câ umutea eara s-hibâ unâ isapi a sucţesilor di anu, tu andamusi sâ zburâ ma multu di proiectili ditu yinitoru, câţe, spunu analiştil’i, 2007 fu unu anu diplomatic mintitu. Cornel Codiţă easti ânvirinatu câ “dupâ unu anu tu UE, nu furâ apufusiti nâscânti priorităţ, niţi un sistem di actiun’i politiţi ş- diplomatiţi. Nu easti limbid ţi vremu noi di la UE.” Iulian Chifu âl’i aflâ unâ circumstanţâ atenuantă a ministrului:contextul politic internu, dimi ncâcerli anamisa di Guvernu şi Prezidenţie, cari au explodatâ ş-tu politica cu xeanili. Sum titlu “Cioroianu, diplomaţia a alâvdaril’ei”, ROMANIA LIBERA aduţi aminti aţeali cu cari s-alavdâ ministrul: cursurili di limba românâ ti tutu ma marea diasporâ româneascâ ditu Italia şi Spania, programlu “Sibiu - capitalâ culturalâ europeanâ”, darea silâ a proiectului energhetic Nabucco şi adrarea unâ adresâ personalâ di e-mail, iu potu sâ-l’i ângrâpseascâ cetăţen’il’i. Şi, pisti tuti, “darea silă a dialoglui european” cu Ripublica Moldova viţina (ex-sovieticâ, majoritar românofonâ), a curi, cu tuti puseurli românofobi ali puteari comunistâ, Cioroianu âli tâxi: “Tu 2008, pi ninga adrarea ma bunâ şi diversificarea a serviciilor consulari şi a facilităţlor di mobilitati dati di România a cetăţen’ilor ditu Ripublica Moldova, duchimu tutnâoarâ importanţa aflaril’ei unâ soluţie ti conflictul transnistrean cari s- tin’iseascâ suveranitatea şi integritatea ali Ripublicâ Moldova şi s-agiutâ salami la securitatea regională.” Totu tu spaţiul ex-sovietic, Cioroianu ş-pripuni ândruparea a ambiţiilor europeani ş-euro-atlantiţi ali Ucrainâ, ânvârtuşarea a ligâturlor politiţi ş-icunomiţi, tora multu arăţ, cu Rusia, si unâ atenţie ahoryea ti ripubliţli ali Asie Chentralâ. Analistul Bogdan Chirieac pistipseaşti ama , câ, toradi oarâ , energhiili MAE lipseaşti ş-hibâ ufilisiti exclusiv ti ândridzearea a summitului NATO ditu apriir: “Problema ali Românie easti câ tu aestu momentu : prindi s-apufuseascâ ca protu obiectiv di politică internă şi externă buna ândridzeari a summitlui NATO di Bucureşti. Ahtari evenimentu s-faţi unâ oarâ tu 100 di an’i tu unâ vâsilie ca România, ahtari evenimentu poati s-u aducâ România tu prim-planlu ali politicâ internaţionalâ ditu lumea ântreagâ, poati s-adarâ ditu aestâ vâsilie unâ puteari reghională; alti obiectivi ţi li spuni domnul Cioroianu suntu interesanti, ama situaţia politică internă ditu Românie nu da izi s-hibâ agiumti câ maş accidental.” Autor: Bogdan Matei Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International