Radio Romania International

Arhiva :

PARTENERIAT STRATEGHIC ROMÂNIA –FRANŢA
(2008-02-04)
Atea dit soni aspuneari: 2008-02-04 16:59 EET Print
Prezidentul ali Franţâ, Nicolas Sarkozy, eara vinitu ti ândauâ sihăţ Bucureşti, prota a lui vizită oficialâ tu Romanie, iu ari simnatâ unâ acâchiseari di “parteneriat strateghic.” Aestu parteneriat easti protlu simnat anamisa di Franţa şi unâ vâsilii ditu Europa chentrală şi di estu. Parteneriatlu easti apufusitu ti un chiro di 5 an’i, ş-validitatea a lui poati s-hibâ lundzitâ succesiv ti iami identiţi. Cu responsabil’i român’i, Sarkozy zburâ ş-ti chestiunea Kosovo ( provincie sîrbeascâ cu majoritati albanezâ, andicra di a curi independenţâ Bucureştiul easti reticentu.) Unu altu subiectu fu catandisea di Ciad, iu easti tora unâ cumitie ş-iu va s-hibâ pitricuţ 120 di militari român’i. Traian Băsescu (Track) “ Vizita avu, di punctu di videari politic, substanţă. Avemu zburâtâ ti adrarea unu program strateghic, unâ ligâtură strateghicâ Franţa - România, Româania – Franţa. Contextul tu cari s-faţi vizita easti ligatu prota ş-prota di adetea a ligâturlor franco-români şi, tu idyiul chiro, di aprucheata prezidenţie francează a UE. ... Franţa va s-aibâ tutâ ndruparea ali Românie ca statu membru ti realizarea integrală a obiectivilor ali prezidenţie, cari ahurheaşti la 1 di alunaru.” Parteneriatul strateghic anvâleaşti dumen’i prioritari a ligâturlor bilaterali, cumu dialoglu politic, parteneriat ti dezvoltarea icunomicâ. Ligătura mutreaşti ş- mobilitatea universitară, ştiintifică, libira urdinari a persoanilor, apărari şi securitati pi nivel european. Şeflu a statlui francez ţânu unu zboru tu Parlamentu şi avu lâcârdii cu premierlu Călin Popescu-Tăriceanu. Tu idyea dzuuâ, parlamentarl’i român’i avea programati zburârea şi ratificarea a tratatului di Lisabona, prezentat ca un sucţes a prezidentului francez ti relansarea ali Europâ. Nicholas Sarkozy declară câ va s-da unu nou dinamismu tu ligâturli di uspiţâl’ie franco-români, vecl’i şi sânâtoasi. Elu şi spusi nâdia câ va s-hibâ tora unâ nauâ – hopâ tu parteneriatlu cu România - a şaptea vâsilie ca mărimi din UE şi un membru activ al NATO, a curi summit va lu aproachi tu meslu apriir “Escu siguru câ vizita a mea Bucureşti, câsâbă ti cari am unâ aduţeari aminti excelentâ di ma ninti cându feciu aoa unâ vizitâ ca ministru di interni, tu 2002, şi andamusea cu prezidentul Băsescu va s-agiutâ ti ânvârtuşearea ali convergenţâa ideilor a noastri ninti ca Franţa s-u l’ia prezidenţia UE, tu daua giumitati a aiştui anu” dzâsi prezidentul Sarkozy. Tu aţea ţi mutreaşti agenda a summitlui NATO di Bucureşti, elu preţiză câ dauăli obiectivi majori ali Franţâ tu dumenea ali apărari suntu dezvoltarea unâ politicâ europeanâ hâirlâticâ şi unâ ma bunâ ligâturâ cu Alianţa. Autor: Cezar Irimia Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International