Radio Romania International

Arhiva :

Scupadz BNR şi previziun’i icunomiţi 2011 (03/01/2011/T.L.)
(2011-01-03)
Atea dit soni aspuneari: 2011-01-06 12:08 EET Print
Banca Naţională ali Romaniei ş-pripuni tră anlu 2011 doi scupadz importanţâ: n’icşurarea ali inflaţie şi un cursu valutar stabil. Consilierlu a guvernatorlui di la BNR, Adrian Vasilescu, declară că inflaţia lipseaşti s-hibă n’icşuratâ sum praglu di 4%, tu condiţiili tu cari România ari tu aestu kiro nai ma marea inflaţie dit UE, di 8% ş-cama, cu doauă puncti ma multu di Gărţia. Tu aestu an, România lipseaşti s-asiguripsească şi stabilitatea a păzaril’ei valutari, după ţi 2010 ahurhi şi s-bitisi cu aproapea idyiul cursu - aproapea 4,3 lei tră un euro, tră aţea că ma s-nu aibă ună păzari valutară stabilă Româ nu poati s-asiguripseascâ stabilitatea financiară a văsiliil’ei. Vasilescu nica spusi că easti ananghi di ună crişteari economică di 2-3 an’i aţea turlie că român’il’i s-duchească că s-agiumsi la un bănaticu di cafi dzuuă ma bun. Di altă parti, bugetlu ali Românie tră aestu an fu adrat pi ună creaştiri economică di 1,5 % dit Produslu Internu Brut şi unâ ixichi di aproapea şapti miliardi di euro, dimi 4,4% dit PIB. Aşi cum spuni directorlu a Gruplui di Economie Aplicată, Liviu Voinea, punctul slab ali construcţie bugetarâ easti aţelu că s-bagă thimel’iu pi criştearea economică. Un ahtari sţenariu easti, spuni analistul, multu pţăn probabil, după cum s-vidzu tu 2009 şi 2010. Voinea luyurseaşti că statlu lipseaşti s-adară reformă tu sistemlu fiscal tra ş-crească amintatiţli bugetari. Liviu Voinea: “Zburăscu ta s-aibă tru prota thesi nu impozitarea a lucărlui, cum easti tora, ca ma multu impozitarea a avearil’ei, cum easti tru tuti statili dizvoltati. România adună dit impoziti pi proprietati maş ţinţea parti dit aţea ţi adună statili dizvultati ca ponderi tru PIB. Tru actuala structură a sistemlui fiscal li agiumsi limitili, maxus după ţi criscum şi TVA la 24%. Goala cearei nica tra s-criştem amintatiţli yini dit nădia ti darea silă a lucurlui economic, ama nu dit altuţiva. După minduearea a mea, noi lipseaşti s-agiundzem barim la nivelu ali Vărgărire ică Slovacie i alântor stati baltiţi, cari adună vără 38% dit PIB, nu 32%, cât adunăm noi”. Tu arada a lui, analistul economic Ilie Şerbănescu faţi timbihi că România nu mata va s-hibă aprucheată tru zona euro ş-că economia, ma largu şi estan va li duchească zn’iili a politiţlor nihăirlătiţi dit an’il’i di ma ninti. "Işim ică nu dit criză?" s-ntreabă EVENIMENTUL ZILEI pi prota frăndză, tru ună cilăstăseari tra s-luyursească ata ţi-l’i aşteaptă român’il’i tru 2011. Anlu să spuni mplin di niandridzeri tră român’il’i cari lucreadză tru sectorlu bugetar, ama ţiva ma bun tră aţel’i dit mediul privat – nyrăpseaşti jurnalu. "2011, un an greu, tru cari va s-bănăm dit împărmuturi" – nyrăpseaşti şi JURNALUL NAŢIONAL pi prota frăndză, cari păristiseaşti isăchili a niscăntor analişti icunomiţ ţi spun că Romania va s-agiungă pi ună creaştiri economică crehtă, cari nu va s-duchească tu bănaticlu a oamin’ilor. Textul: Daniela Stefănescu Armâneaşti: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International