Radio Romania International

Arhiva :

Timbihi di Bruxelles
(2008-01-31)
Atea dit soni aspuneari: 2008-02-04 11:04 EET Print
Obiectivlu ali Românie s-intrâ tu zona euro tu 2012-2014 poati s-armânâ maş un yisu muşatu maca Bucurestiului nu va s-l’ia misurli di cari easti ananghi ti unu control ma bunu a hărgiloru şi a xichil’ei bugetari. Comisarlu european ti afaceri icunomiţi ş- monetari, Joaquin Almunia, ari prezentatâ, Bruxelles, concluziili ali Comisie Europeanâ dupâ mutrearea a Programlui di convergenţâ ândreptu di autorităţli româneşti ti iamea di chiro 2007-2010. Critiţli mutrea evoluţia a indicatorlor icunomiţ. Joaquin Almunia: « Aşa cumu l’i-am dzâsâ dzâlili ţi tricurâ a ministrului român di finanţi, maca aesti cifri nu –facu ma buni, şi lipseaşti sâ s-facâ ma buni prit misuri fiscali, prit misuri di ânvârtuşeari cama ambiţioasi, maca previziun’ili a noastri ditu meslu mai va s-confirmâ câ aestâ easti evoluţia a catandisil’ei, icâ aestâ va s-facâ ş-ma slabâ, atunţea va s-himu obligaţ s-lom misuri contra ali Românie, cumu spuni Pactul di stabilitati. Nu voi sâ s-facâ ahtari lucru, ti aţea caftu a autorităţlor româneşti s-l’ia deţiziili di cari easti ananghi. Apandisea a ministrului român a finanţilor fu pozitivâ şi aştept sâ-n’i hibâ pitricuti nali informaţii tu meşl’i ţi yinu ». Bucureşti, ministrul di resortu, Varujan Vosganian, deadi asiguripseri câ va s-l’ia tuti misurli aşi câ România s-nu treacâ pisti praglu di 3% ditu PIB a xichil’ei, praglu apufusitu ti anlu aestu hiinda di 2,7%. Vosganian dzâsi ş-câ guvernul poati s- aprobâ, pânâ tu marţu, unâ rectificari di buget, tu scupolu s-ascadâ hărgili. Varujan dzâţi câ va s-pripunâ misuri ţi va s-aducâ unâ icunumie la buget di 1-1,5 miliarde euro, cari va s-aducâ ş-unâ scâdeari a xichil’ei. Timbihi feaţi şi guvernatorul a Bancâl’ei Naţionalâ, Mugur Isărescu. Elu feaţi timbihi maca estan, hărgili bugetari va sâ s-facâ pisti nivelu apufusitu tu contextul a trunduierlor di pi pâzărli internaţionali, aestâ va s-hibâ unâ mari greşcâ. Isărescu deadi urnimie sâ s-facâ unâ politicâ monetarâ sertâ, di reformi structuraie accentuati, unâ politicâ fiscalâ cu angâtanu. Mugur Isărescu adusi diznou tu discuţie piricl’iurli la cari s-agiundzi di itia a crişterlor a tin’iilor a lucrâtorlor cari nu potu s-hibâ ndrupati icunomic ş-adusi aminti câ “inflaţia easti nai ma greaua taxâ la cari s-agiundzi tu ahtări situaţii”. Majorărli de salarii ti bugetari deadi trâ şteari ti estanu, di vârâ 10%, suntu unâ di itiili cari u găilipsirâ Comisia Europeanâ. Premierlu Călin Popescu Tăriceanu easti, ama, optimistu. Elu vru sâ-l’i isihiseascâ pi oficial’i di Bruxelles, gâilipsiţ câ Bucurestiul poati s-treacâ tu unu anu electoral pisti praglu a xichil’ei bugetarâ : « Pistipsescu câ intereslu a vâsiliil’ei a mea easti ca tu aestu chiro s- nâ dezvoltămu cât ma multu ta s-li dămu nanaparti decalajili. Tu aestu sensu easti limbid câ va s-cilâstâsescu s-ufilisescu la maximum xichea icâ plafonlu di xichi bugetarâ disponibil, cari easti di 3% ». Autor : Corina Cristea Armânipsearea : Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International