|
|
| UN SISTEM BANCAR DINAMIC |
| (2008-01-29) |
| Atea dit soni aspuneari: 2008-01-29 13:35 EET |
5,9 miliun’i di român’i, dimi vâra 33% ditu populaţia ali vâsilie, suntu âmprumutaţ la bănchi. Di aeşti, ma multu di 350 di n’il’i figurează la Biroul di Credit pi lista a aţiloru ţi nu pâltescu. Ş-numirlu a loru poati s-creascâ, tu condiţiili tu cari criştearrea euro andicra di moneda naţionalâ, leulu, dusi la criştearea a ratilor di cafi mesu cu ma multu di 15% tu meşl’i ditu soni ti creditili tu moneda europeanâ. Cu tuti aesti, câţe alagâ s-amintâ muştiradz, bănchili nu mata ascultâ niţi urnimiili a bancâl’ei chentralâ, cari caftâ multă atenţie tu politica di creditari, niţi di statistiţli oficiali mutrinda restanţierl’i. Ma multu di ahântu, cum bagâ oarâ jurnalu GANDUL, işi tu migdani un no productu bancar, “creditlu ti aţel’i ţi nu pâltescu tu chiro”. La prota videari s-pari câ easti unâ mari ifculie: banca caftâ puţâni documenti, unâ carti di lucru icâ unu cuponu di pensie, unu amintatic pi mesu câtu giumitati ditu minimul pi economie şi ţiva altu. Ama cându s-adavgâ comisioanili şi taxeli di dare, toclu anual efectiv poati sâ s-aproachi di 45-50%. Jurnalu GANDUL tipuseaşti zboarăli a purtâtorlui di zboru ali Bancâ Naţionalâ ali României, Mugur Şteţ, cari declară câ deţizia s-da icâ nu crediti a persoanilor ţi suntu tu baza di dati a Biroului di Credit ţâni di cafi unâ bancâ. Singura condiţie easti ca instituţiili bancari sâ-şi ândreagâ provizioani uidusiti, dimi fonduri cari s-anvâleascâ riscurli ligati di nipâltearea tu chiro a borgiloru a debitorlor. S-pari câ bănchili cari acţioneazâ tu România nu para au frixi di htări piricl’iuri , câţe, nai putânu pânâ tora lucurlu lâ imnă ghini. Tu 2007 activili totali ditu sistem au ânreghistratâ unâ crişteari di 45%, tricânda di echivalentul a 75 di miliardi di euro. Tutu anu, bănchili feaţirâ un profit echivalentu cu 882 di miliun’i di euro, pi crişteari cu 27% andicra di amintaticurli ditu 2006. Ma multu di giumitati di aestu amintaticu fu ali BRD - Groupe Societe Generale ş-a Bancâl’ei Comercialâ Românâ. Lipseaşti sâ spunemu ş-câ numirlu di lucrâtori ditu sistem criscu cu ma multu di 7.500, tricânda di 65.000 di lucrâtorii ş-câ valoarea a creditilor imobiliari şi ipotecari dati ali populaţie s-feaţi diplo anu, lucru ţi dusi la criştearea cu 80% a împrumuturlor totali dati a persoanilor fiziţi. Soldul a creditilor ipotecari ş-imobiliari dati tu 2007 tricu di 4,5 miliardi euro. Şi âmprumuturili di consum ânreghistrarâ anu unâ crişteari di vârâ 80%. Aşi, aţel’i aproapea 6 miliun’i di român’i ti cari spuneamu ca au loatâ crediti di la bănchi, suntu borgi cu echivalentul a ma multu di 20 miliardi di euro. Partea slabâ easti câ ma multu di giumitati di aesti crediti furâ contractati tu valuta xeanâ, iara câdearea accentuatâ a cursului a leului, di cari aduţeamu aminti tu ahurhitâ feaţi s-creascâ ca baia ratili ti rambursarie.
Autor: Mihai Rădulescu
Armânipsearea: Irina Paris
|
|
| |
WMA |
|
64kbps : |
1
2
3
|
|
|
128kbps : |
1
2
3
|
| |
MP3 |
|
|
64kbps : |
1
2
3
|
|
|
128kbps : |
1
2
3
|
| |
AAC+ |
|
|
48kbps : |
1
2
3
|
|
|
64kbps : |
1
2
3
|
 Mascota istorica a
RRI |
2025-04-05
Print
Puteţ s-avdzâţ căndţido