Radio Romania International

Arhiva :

UNÂ TAXÂ CONTROVERSATÂ
(2008-01-28)
Atea dit soni aspuneari: 2008-01-28 14:55 EET Print
Canda nu agiundzea scandalurli cari, di ma mulţâ an’i, u trunduiescu sţena politicâ româneascâ, unu nou scandal li’a silâ tu dzâlili ditu soni, dimi aţelu ligatu di taxa di protâ ânmatriculari a autovehicuielor, pâtidzatâ di guvernanţâ – taxa di poluarie. Aestâ taxâ fu bâgatâ tu 1 di yinaru 2007 ama fu contestatâ di UE, câţe Bruxelleslu dzâţi câ easti discriminatorie ti autovehiculili second hand adusi ditu xeani. Aşi câ executivlu feaţi unâ protâ jgl’ioatâ nâpoi ş-lu alâxi sistemlu di taxari, pritu criştearea a sumiloru pâltiti ti ânmatricularea a aftuchiniloru nali, fabricati tu vâsilie icâ tu xeani, şi u scâdzu ti aţeali vecl’i, alâxeari ţi va s-intrâ pilucru la 1 di alunaru. Maca, tu ahurhitâ, guvernul dzâţea câ taxa ari tu scupo s-nu agiungâ România loclu iu suntu arcati vicl’iturli europeani, tora, ministrul a fisil’ei, Attila Korodi, spuni câţe fu alâxitu sistemlu: “Cu câtu unâ aftuchinâ easti ma veacl’ie ş-ma aproapea di casari, ş-sursa di poluari easti ma aproapea s-hibâ dânâsitâ. Ti exemplu, unâ aftuchinâ nauã ari unâ banâ pân di 20 an’i, dimi va s-polueazâ tuţ aeşti an’i. Di altâ parti unâ aftuchinâ veacl’ie di 13 di an’i , va s-polueazâ nica ândoi an’i”. Ama, spunu specialiştil’i, unâ aftuchinâ veacl’ie tu ândoi an’i poati s-polueazâ multu ma multu di unâ nauâ tu 20 an’i. Taxa di poluari ti autovehiculi nu fu inventatã di Guvernul român, ea existeadzã tu majoritatea a vâsillilor europeani, adavgâ ministrul a mediului. Contestatarl’i au ânreghistratâ, ama, unâ n’icâ amintari ş-lu feaţirâ executivlu di Bucureşti s-facâ nica unâ jgl’ioatâ nâpoi. Maca, tu ahurhitâ , oficialităţli dzâţea câ alâxearea a taxâl’ei nu va sâ s-facâ deadunu cu turnarea a pâradzloru la aţel’i cei cari au pâltitâ ma multu di nivelu a nauâl’ei taxâ, tora guvernanţâl’i suntu hâzâri s-u toarnâ diferenţa. Ama nu automat. Aţel’i ţi voru pâradzl’i nâpoi prindi să-l’i caftâ la giudicatâ. Vahi multâ di el’i nu va s-giudicâ cu statul tu condiţiili tu cari, tu Românie, un proces poati s-ţânâ mulţâ an’i. Aţel’i cari contestâ taxa suntu nu maş ancupârâtorl’i câ ş- producătorl’i autohton’i. Dacia, filiala romaneascâ a Renault, dzâţi câ naua formâ a taxâl’ei favorizează, diznou, importul di automobili multu vecl’i, şi va s-facâ ditu România unâ groapâ di cuprii ti aesti. Pi ninga aestâ, industria auto naţionalã va s-aibâ chiardiri aşi cumu s-feaţi ş-tu Polonia, iu vindearea di autoturismi autohtoni a scâzut multu di multu. Armâni s-videmu ţi va s-apufuseascâ parlamentul cându va u zburascâ ordonanţa guvernamentalâ mutrinda aestâ taxâ. Autor: Mihai Radulescu Armânipsearera: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International