Radio Romania International

Arhiva :

CAZLU NICOLAI, LA CURTEA CONSTITUŢIONALÂ
(2008-01-25)
Atea dit soni aspuneari: 2008-01-25 14:46 EET Print
Tu sesizarea simnatâ di premierlu liberal, Calin Popescu Tariceanu, s-caftâ ali Curti s- constatâ existenţa unu conflictu juridic di naturâ constituţionalâ anamisa di guvernu şi şeflu a statlui, di itia câ prezidentul nu vru s-da cali la pripunearea faptâ di premier mutrinda numâsearea tu funcţia di ministru ali Justiţie ali senatoarâ Norica Nicolai. Cumu unâ di atribuţiili ali Curti Constituţionalâ easti şi bâgarea pi aradhâ a conflictilor juridiţi di naturâ constituţionalâ anamisa di autorităţli publiţi, Curtea lipseaşti s-l’ia unâ apofasi tu chiro di 20 dzâli, tu aestu caz. Nivrearea a prezidentului Băsescu s-lu simneadzâ decretlu di numâseari tu funcţia di la Justiţie ali Norica Nicolai, easti luyursitâ, di observatorl’i politiţ , câ faţi parti ditu alumta anamisa di pâlăţ, cari tâni di ma mulţâ an’i. Criza di tora ânchisi dupâ demisia a ministrului ali Justiţie, Tudor Chiuariu, mutritu tu unu dosar penal. Premierlu Tăriceanu u pripusi tu loclu armas libir, pi Norica Nicolai, senator şi viceprezidentu a PNL. Pripunearea nu fu, ama, pi chefea a prezidentului, cari easti contra di itii ligati di lucurlu di ma ninti profesional di procuror şi dapoia di parlamentar ali Norica Nicolai; itii cari, dupu pârearea alu Băsescu, facu s-hibâ niuidusitâ numâsearea a l’ei la Justiţie. Liberal’i, ţi suntu la coguvernari cu UDMR, dzâcu ama câ prezidentul nu ari ândreptul s-hibâ contra a numâsearil’ei unu ministru, câţe aestâ easti exclusiv responsabilitatea a premierlui. Calin Popescu Tăriceanu declară, gioi, câ ş-lu pâstreazâ punctul di videari andicra di dnă Nicolai şi câ partidlu a lui nu ari unâ altâ pripuneari, s-aflâ unâ cali di mesi cu prezidentul, ti portofoliul ali Justiţiei. Di partea alantâ, viceprezidentul PD-L ( tu opoziţie, proprezidential), Valeriu Stoica, dzâţi câ sesizarea a Curtil’ei nu l’ia tu isapi realitatea, câţe prezidentul Băsescu nu deadi nanaparti numâsearea ali Nicolai, ama câftă unâ altâ nominalizari. Aduţemu aminti câ nu easti prota oarâ cându premierlu Tăriceanu caftâ ndrupari la giudicata a Curtil’ei Constituţionalâ tu unâ niacâchiseari cu prezidentul. Anlu ţi tricu, Traian Băsescu nu u apruche numâsearea a ministrului ti politica cu xeanili, Adrian Cioroianu. Atunţea, decizia a Curtil’ei Constituţionalâ fu aţea câ prezidentul nu ari ândreptu di veto, ama poati s-caftâ a primlui ministru sâs-u alâxeascâ pripunearea ţi u avea faptâ, atunţea cându veadi câ persoana pripusâ nu li umpli condiţiili a nomlui. Maca apofasea a Curtil’ei va s-hibâ şi aestâ oarâ contra alu Traian Băsescu, prezidentul ali României va s-veadâ zori s-u aprobâ numâsearea ali Norica Nicolai ca ministru ali Justiţiei, ama aestu lucru nu va u facâ ma bunâ ligâtura anamisa di pâlăţ. Autor: Valentin Tigau Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International