|
|
| TENSIUNE BURSIERÂ INTERNAŢIONALÂ |
| (2008-01-22) |
| Atea dit soni aspuneari: 2008-01-22 16:15 EET |
Easti limbid; România ari unâ icunumie di pâzari functionalâ şi gini conectatâ la icunumia a lumil’ei. Cu tuti câ s-pari unâ hâbari bunâ, circumstanţili di toraspunu câ nu easti dipu aşi, câţe di aestâ itie România easti traptâ ş-ea tu criza icunomicâ mondialâ ţi ahurhi. Bursili asiatiţi ânreghistreazâ câderi ţi s-aproachi di praglu psihologhic di 10 %, şi, tu siajlu a loru, aţeali europeani cunoscu nai ma mărli chiardiri di la 11 di yizmâciun 2001. Şi niţi aţeali di alantâ parti di Atlantic nu s-duchescu dip ghini. Indicil’i ali bursâ di Bucuresti scâdzurâ dramatic, ş-ti aţea specialiştil’i zburăscu ti unâ alithea surpari. Capitalizarea ali pâzari bursierâ scâdzu aieri cu aproapea un miliardu di euro, agiungânda la un acutotal di maş 19 miliardi di euro. Ş-di la ahurhita a anlui, capitalizarea scâdzu cu ma multu 5,5 miliardi di euro. Ti amârtie, ş-moneda naţionalâ da seamni di slâbinţâ. Cursul di referinţă a leului, calculat di Banca Naţională, agiumsi andicra di euro, la nai ma slablu nivel tu aeşti trei an’i. Lu ntribămu pi analistul şef ali Raiffeisen Bank, Ionuţ Dumitru, cari easti itia ti cari scâdzu moneda naţionalâ. “Bursili internaţionali câdzurâ multu, nica ş-pi pâzărli maturi di până la 4-5%. Tutnâoarâ valutili a vâsiliilor emergenti câdzurâ ş-eali. Sigura câ niţi leulu nu putea s-ascapâ di unâ ahtari mintâturâ pi piaţa internaţională.” Ţi nâ aşteaptâ tu dzâlili ţi yinu?: “Nâ aştiptãmu ca presiunili s-armânã pi pâzari, dimi s- avemu, nica presiun’i ti scâdearea a leului, ama nâ aştiptãmu ş-ca Banca Nationalã s- nu alasâ cursul s-ascadâ multu, cãte va s-yinâ presiun’i mutu mări tu inflaţie, maca cursul tutu ascadi. Deftura, s- poati sâ s-facâ problemi di stabilitati financiarã, câte ari ca baia crediti tu valutã dati a muştiradzlor cari nu suntu anvâlit ti riscul valutar.” Niţî pi plan internaţional, previziunili nu sunt ici optimisti. Prezidentul Eurogrup, Jean-Claude Juncker, dzâsi câ plonjonlu a bursilor mondiali easti ligatu di gailelu mutrinda starea di sânâtati ali icunumie amiricanâ ş-dzâsi câ nu easti exclusâ unâ recesiuni tu Statili Uniti. Ş-aestâ cu tuti câ viniri, prezidentul George W Bush avea prezentatâ un plan di relansari ma mari di 140 di miliardi di dolari. Mulţâ analişti luyursescu, ama, câ planlu easti para nisigur şi nu multu limbid ta s-aibâ hâiri. Iara reacţia a bursilor dzâţi câ aşi easti. Tu aesti condiţii, para n’ica icunumie romaneascâ nu pari s-aibâ altâ ti adrari câ maş s-aibâ nâdie câ luyurserli pesimisti nu va sâ s-facâ dealithea.
Autor: Mihai Radulescu
Armânipsearea:Irina Paris
|
|
| |
WMA |
|
64kbps : |
1
2
3
|
|
|
128kbps : |
1
2
3
|
| |
MP3 |
|
|
64kbps : |
1
2
3
|
|
|
128kbps : |
1
2
3
|
| |
AAC+ |
|
|
48kbps : |
1
2
3
|
|
|
64kbps : |
1
2
3
|
 Mascota istorica a
RRI |
2025-04-06
Print
Puteţ s-avdzâţ căndţido