Radio Romania International

Arhiva :

Nomurli ali educaţiei, tu zburâri publicâ
(2008-01-17)
Atea dit soni aspuneari: 2008-01-17 14:39 EET Print
Ministerlu ali Educatiei ditu Romanii ânchisi azâ discuţii publiţi pi nivel naţional, ti proiectul a nauâl’ei pachetâ di nomuri tu dumenea a ânveţlui. Mihaela Suciu, purtător di zboru al Ministerlui: “Va s-participâ la aesti discuţii reprezentanţâl’i a primăriilor, a consiliilor locali, reprezentanţâl’i ali Prefecturâ, a sindicatilor, a ONG-urilor, părinţâ, elevi, mass-media ş- iţi alţâ reprezentanţâ ali societati civilâ. Aţel’i interesaţti potu s-aducă puncti di videari, argumenti tu muabeţ. Aesti va s-hibâ chentralizati, analizati di inspectoratili şcolari şi pitricuti câtâ MEC pân tu 18 di şcurtu. Proiectul di nomu ali educaţie easti un documentu perfectibil, asumat di tuţ factorl’i cari sagiutarâ ti elaborarea şi bitisearea a lui”. Pripunerili Ministerului furâ lansati oficial ti zburâri, tu 17 di andreu 2007. Unâ di nai ma importantili alâxeri mutreaşti structura a ânveţlui preuniversitar obligatoriu. Aestu prindi s-lu ahurheascâ ficiuriţl’i di la ilichia di 3 an’i, şi s-aibâ 3 an’i di gârdiniţâ, 5 clasi di şcoalã primarã, di cari unâ di ândridzeari ti ânveţu, şi 5 di gimnaziu. Tu învitâmintul universitar nalili mutrescu alâxearea a mecanismilor manageriali, darea curaiu a universitãţilor performanti, unâ dişcl’ideari a sistemlui di învitâmintu superior cãtâ aţelu european şi internaţional. Nomurli pripusi di Ministerlu ali Educaţie sunt nica di tora criticati di reprezentanţâl’i a sindicatilor ditu aestâ dumeni cumu ş-di pârinţâ. Prezidentul ali Federaţie ali Educaţie Naţionalâ, Cãtãlin Croitoru, pstipseaşti câ Ministerlu ari luatâ proiecti ma vecl’i pi cari li alâxi maş niheamâ. Mai multu, spuni elu, nâscânti pruvideri nu suntu limbidz şi suntu ş-nifunctionali. El dzâsi câ naetea a Ministerlui s-bagâ educaţia obligatorie di la 3 an’i, nu easti posbilâ câţe prota lipseaşti s-hibâ adrati n’il’i di grădiniţi tu ântreaga vâsilie. Tutunâoarâ, âncl’idearea a sculiilor profesionali easti luyursitâ unâ alatusi tu condiţiili tu cari Romania s-alumtâ cu unâ mari xichi di lucrâtori calificaţ. Tu aţea ţi mutreaşti ânveţlu superior, reprezentanţâl’i a nâscântor ONG-uri pistipsescu câ decan’il’i prindi s-hibâ alepţâ prit concursu şi nu di câtrâ colegan’i, aşi cumu pruvedu proiectili di tora. La lansarea a proiectilor a nomurlor ali educaţie, tu andreu anlu ţi tricut, prezidentul Traian Bãsescu li-ari criticâ ş-dzâsi câ nu aducu unâ hâvaie proaspitâ . Di altã pãreari, premierlu Cãlin Popescu Tãriceanu dzâsi, atunţea, cã aesti s7untu axi s-u aducâ sculia tu chentrul ali comunitati, ândregu cadrul legal ti transferlu ali autoritati, responsabilitati şi a resursilor cătrâ comunităţli locali şi unităţli di ânviţãmintu. Autor: Andreea Bojoi Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International