Radio Romania International

Arhiva :

Nomlu a pensiilor promulgatu (16.12.2010/ T.L.)
(2010-12-16)
Atea dit soni aspuneari: 2010-12-28 14:44 EET Print
Prezidentul Traian Băsescu promulgă, n’iercuri, după un imnaticu lungu şi apres, Nomlu mutrindalui sistemlu unitar di pensii publiţi dit Romania, unâ dit ateali trei pi cari Bucurestiul lipsea s-li voteadză tra s-poată s-l’ia yinitoarea parti dit impărumutul di la FMI si UE. Promulgarea s-feati ti ndauă sihăţ după ţi Curtea Constituţională apufusi că pruviderli suntu simfuni cu nomlu di thimel’iu, ma nu apruke ca niăntimil’iati căftărli sesizările fapti di parlamentarl’ii ali opoziţie, PSD şi PNL. Proiectul di nom mutrindalui sistemlu unitar di pensii fu votat di Guvernu tu meslu şcurtu. Camera a Deputaţilor, for legislativ dicizional tu aestu caz, adoptă proiectul tăş tu meslu yismaciuni, ama opoziţia contestă rezultatlu a votlui, stipsindalui ixichea a cvorumului. Ma ninti tu aestu kiro nomlu fu turnat nâpoi di prezidentu la Parlamentu, cari luyursi că apufusearea a ilichiil’ei di pensionari la 65 di an’i em tră bărbaţ, em ş-tră mul’eri nu easti simfună cu realităţli suţial-economiţi autohtone. El pripusi că mul’erli s-iasă la pensie la 63 di ani, iara Legislativul adoptă turlia ţi fu căftată di caplu a statlui, dimec ilichii ahoryea di pensionare tra mul’eri şi bărbaţ. Ministurlu a Lucărlui, Ioan Botiş, spusi că isapea ţi s-faţi tora easti unâ tin’isitâ şi aduţi sustenabilitati a sistemlui, cari s-ampuliseaşti cu ună mari ixichi. El cundil’e că, tu chirolu anda numirlu di pensionari creaşte, numirlu a lucrătorlor scadi şi cundi’e că izvurli di simasie tră fondul di pensii suntu criştearea a numirului di contributori şi un grad ma mari di adunari. Năs nica u spusi că, tora, rata di dependenţă pensionar-salariat easti di 0,89 şi că maş un cirec dit pensionari au stagiu acutotalui di cotizare. Năulu nom bagă tu lucru prinţipiul ali contributivitati anda s-faţi izapea a tutălor pensiilor, li scoati dit practico ateali speţiali, di cari s-ufilisea politiştil’i şi militarl’ii. Ună altă alăxeari spuni ti turlia di făteari isapi tră punctul di pensie, cari dit 2030 va să s-facă andicra di rata ali inflaţie. S-feaţiră ma serti condiţiili ti işearea la pensie ninti di chiro ş-ti cum să s-da pensia tră oamin’il’i sicat. Ma multu nomlu ari şi pruvideri tu ligătură cu borgea a oamin’ilor păltiţ prit contractul di ndrept di autor ta s-păltească la fondul di pensii. Premierlu Emil Boc spuni că prit aestu nom s-asiguripseaşti păltearea a pensiilor tră un kiro di mesi şi lungu kiro şi tutunăoară va –bagă aradă tru ti furn’ia că fondul di pensii easti sicat. Tu 2009, hărgili cu pensiili eara di 8% dit PIB. Textul: Andreea Bojoi Armaeaşti: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International