Radio Romania International

Arhiva :

Importantâ deţizie di politicâ monetarâ
(2008-01-08)
Atea dit soni aspuneari: 2008-01-08 14:10 EET Print
Banca Naţionalâ ali Românie apufusi aieri, majorarea cu 0,5% a toclui di politicâ monetarâ, di la 7,5 la 8 tu sutâ, a proţentului pi cari bănchili comerciali va lu l’ia ti lel’i ţi âl’i ţânu tu conturli BNR. Majorarea eara aştiptatâ, tu contextul tu cari scupolu di inflaţie pi 2007 nu fu umplutu, ş-perspectivili nu suntu ici încurajatoari niţi ti 2008. Banca Chentralâ spusi limbid câ perspectivili ali inflaţie pi chiro şcurtu s-feaţirâ ma arali tu contextul criştearil’ei a piricl’iurloru macroicuonomiţi, maxusu a aţiloru ligati di politica a amintaţiloru şi criştearea a hărgilor bugetari tu chirolu electoral, cumu şi a niştearil’ei a minduitâl’ei a investitorlor andicra di pâzărli emerghenti. Ia ândauâ reacţii la deţizia BNR. Prezidentul ali Asociaţie Românâ a Bănchilor, Radu Graţian Gheţea: “Nu pistipsescu câ va s-avemu ântr-oarâ nâscânti efecti vizibili, dimi nu pistipsescu câ va s-videmu un fenomenu tu cari bănchili, ahurhinda di mâni, va ş-li alâxeascâ tocurli, em tu activitatea a loru di trâdzeari câtâ eali a fondurloru, cumu şi tu aţea di dari a creditilor. Câţe? Câţe cafi unâ bancâ şi-ari faptâ unâ strateghie, ştii ti tamam ţi ari tu scupo anlu aestu şi suntu sigur câ multi bănchi va s-hibâ etimi s-aibă profituri ma n’iţ ta ş-u ducâ ninti activitatea di tindeari pi pâzarea româneascâ”. Unâ pâreari uidusitâ ari şi analistul financiar ABN Amro, Radu Crăciun: “Nu pistipsescu câ va s-videmu dinâcali efecti spectaculoasi, câţe pâzarea aştipta unâ ahtari crişteari di tocu. Ti aţea, din punctu di videari al cursului şi a tocurlor ditu pâzarea interbancarâ nu va s-videmu minări spectaculoase. Pi di altâ partâ, di punctu di videari a tocurloru comerciali, va s-videmu vahi nica unâ tendinţâ di crişteari, em ti depozitili bancari, em ti creditili bancari tu lei”. Bancherl’i şi specialiştil’i dzâcu câ bănchili va s-aflâ ş-aestâ oarâ varianti ta s-poatâ s-u ducâ ninti creditarea a dun’iauâl’ei. Şi analistul Eugen Râdulescu dzâţi câ BNR apândâsi la aştiptărli a pâzaril’ei cându apufusi naua majorari a ratâl’ei a toclui di politicâ monetarâ: “Banca Naţtionalâ apândâsi la aştiptărli a pâzaril’ei ş, practic, misurli loati suntu încorporati tu aţea ţi s-feaţi pi pâzari. Şi nica di tora s-veadi unâ n’icâ tendinţâ di crişteari la crediti, unâ n’icâ tendinţâ di crişteari a tocurloru la depoziti şi, vahi, va s-videmu iara unâ dipu n’icâ tendinţâ di crişteari a leului andicra di euro”. Autor : Daniela Stefanescu Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International