Radio Romania International

Arhiva :

Rivista a jurnalilor işiti ază Bucureşti (06/12/2010)
(2010-12-06)
Atea dit soni aspuneari: 2010-12-28 14:45 EET Print
Dupu patru an’i di la apruchearea tu Uniunea Europeană, România „tin’isi aţea ţi s-aştipta tra să s-facă şi european’il’i au furn’ie ta s-pricănoască, dimi ved aderarea ca un succţes”. Niaştiptată ca filotimie ti român’i, evaluarea easti faptă di ună di tu mastili-cl’eaie a monitorizaril’ei di Bruxelles ti gaereţllor di integrari: germanul Gunther Verheugen, fostul comisar european pentru Extinderi tu Comisia cumăndusită di Romano Prodi, tu an’il’i 1999 şi 2004, ş-tră Industrie tru prota Comisie Jose Manuel Barroso (2004-2010). Om cu anami, ama ca di asparizmă, vruta ică nivrută Bucureşti, tu proţl’i an’i 2000, andicra di câtu mplini di curayiu ică serti lj-eara calificativele, Verheugen declară tora tu exclusivitati ti cotidianlu GÂNDUL, că „prit integrarea ali Românie vrum ta s-amintă ună integrari susta tru structurli europene şi euroatlantiţi; intenţia eara s-adrăm ireversibile alăxerli democratice ale României şi, ca ună consecinţă a aiştor, văsilia s-agiungă un cinghel’iu di stabilitati şi irini tu aestă parti ali Europă.” El pricunoaşti că, tu 1999, România fu călisită ti aderarea tu UE „di furn’ii politiţi şi strateghiţi di mari simasie.” Atumţea, Guvernul di coaliţie di Bucureşti, ţi ma mulţăl’i eara criştin-democraţ, andrupă păn di mardzină campania prit cari Occcidentul dănăsi fănicadzl’i fapţa tu Kosovo di ascherili al Slobodan Miloşevici, ama u feaăţi cu păhălu di chiru putearea dinintea a stângăl’ei şi li asparsi ligăturli cu Sărbia vitină şi cu protectoarea a aiştei, Rusia. Unăoară ufiţializata, la 1 di yinar 2007, apruchearea tru UE s-deapoa vini ună harauă multu şcurtă. Tu 2008, România agiundzea pi ună creştere economică di 8 procente, ş-deapoa tru 2009, PIB-ul să scadă cu 7%. „Fu efectul cadealihea a arăspăndearil’ei criza financiare” – să spuni căndăsit fostul comisar Gunther Verheugen. El adavgă, ama, că „România şidzu multu ghini, comparativ cu alti văsilii europene, aguditi greu di criză tru 2009. România nu fu responsabilă de criză, băncile româneşti nu fură mintiti. Dependentă di exporturi, România easte maş ună victimă.” Cari easti, ama, responsabil ti furn’ia că văsilia nu u tricu criza? Easti vărăturlie România şi victima clasal’ei işiş politiţi? Cu nidiezminţită moderaţie, Gunther Verheugen declară tră GÂNDUL: „Corupţia easte un fenomen ghinicunoscut, cu care lipseaşti s-nă alumtăm. Aveţ ananghi di ună cultură politică ţi numata easti orientată cătă sinferlu individual ică a unlui singur grup. Aveţ ananghi di politicieni cari s-bagă sinferlu ti tută suţiitatea, a văsiliil’ei, pi protlu loc ş-deapoa sinferlu a lor. Tu minduita a mea, easti ună chestiuni di chiro.” Textul: Bogdan Matei Armâneasti: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International