| Isapi culturalâ tu câsâbălu Sibiu |
| (2007-12-13) |
| Atea dit soni aspuneari: 2007-12-13 14:06 EET |
Programlu "Sibiu-Capitalã Culturalã Europeanã 2007", cari ș- pripusi s- prezintâ profilu multicultural a aiștui câsâba ditu chentrul ali Romanie, vecliu di optu seculi, agiumsi la final. Elu si nclidi oficial pi 1 di andreu, di Dzuua Naționalâ ali Românie. Dauă di itiili cari dusi la alidzearea aiștui câsâbă ș-hibâ Capitală Culturalã, deadunu cu Marli Ducat a Luxemburgului, suntu istoriclu a câsâbalui ș- limba, câțe, spunu speciaștili, ari unâ multu mari uiduseari anamisa di limba pi cari u zburăscu para nipoțli a coloniștilor saxoni cari, Tu Eta di Mesi, lu fundarâ Sibiulu ș-luxemburgheza veaclie. Nica ditu ahurhita a aiștui anu, nili di artiști ditu ântreaga lumi feațirâ ditu piețili medievali și sucăchili cocheti a câsâbălui sțeni ti spectacoli. Paradi, reprezentații sumu țeru dișclisu și focuri di artificii âli hârsirâ nili di bânâtori, ama și turiști ditu vâsilie ș-ditu xeani, cari spunu autoritățli locali, agiunsirâ la aproapea 1 miliuni. Mușuteata a câsâbălui și evenimentieli artistiți feațirâ ca Sibiulu s-agiungâ pi loculu nauă tu toplu a nai ma câftatilor 50 di locații turistiți a lumilei, ângrâpseaști publicația The Guardian". Manifestãri importanti, cari avea di aradhâ altu cadru di dizvârteari, agiunsirâ tu 2007 Sibiu: Festivallu Internațional "George Enescu", nai ma cunuscutlu festival di filmu românescu, TIFF ul, darea a Premiilor Muzicali MTV România icâ Gala a Premiilor UNITER. Anamisa di vizitatori furâ și ândauâ personalităț politiți: prezidentul a Parlamentului European, Hans-Gert Pöttering, Duceli Henri a Marilui Ducat di Luxemburg, Prințul Frederik ali Danemarcâ, prezidentul ali Ghirmânie, Horst Köhler. Autoritățli dizvârtirâ unâ campanie lâryurie di promovari a programlui "Sibiu-Capitalã Culturalã Europeanã 2007". Ea fu nchisitâ nica ditu yizmâciun 2006 și s-dusi ninti tutu anlu aestu. Tu aestâ campanie furâ organizati ândauâ expozitii la Parlamentul European di Strasbourg ș-la Maison de lUNESCO, di Paris. Pi ninga aestâ spoturi publicitari furâ difuzati pi cunuscuti canali di televiziuni: National Geographic, Travel Channel ș-Euronews ș-pi internet. Ti promovarea a Sibiului lucră ș-Autoritatea Națională tu Turismu (ANT) tu ma mulțâ câsâbadz ditu Italie, Ghirmânie, Spania, Elveția, cumu și tu SUA și Japonia. Unâ di puțânili niagiundzeri easti ațea câ statutlu di Capitală Culturalã Europeanã lu ajutâ Sibiulu s-intrâ pi Lista a Patrimoniului Mondial UNESCO, ama autoritățli deadirâ asiguripseri câ pidimolu va sâ s-ducâ ninti. Sâ spunemu ș-câ Sibiulu easti protlu câsâbă ditu unâ vâsilie ți nica nu eara membrâ ali Uniunii Europeanâ cari putu di lo statutlu di Capitalã Culturalã Europeanã.
Autor: Andreea Bojoi
Armânipsearea: Irina Paris
|
2025-04-03
Print
Puteț s-avdzâț căndțido