Radio Romania International

Arhiva :

UNA NAUA PARTIE TRU ROMANIA
(2007-12-04)
Atea dit soni aspuneari: 2007-12-04 13:06 EET Print
Luni tahina, prezidentul a Partiil’ei Democrată, di opoziţie, Emil Boc, spunea, Bucureşti, că puţănă căbili ari că democraţl’ii s-vulusească ună suţată preelectorală cu dizidenţa liberală adrată tut tru opozitie, sum cumăndusearea al Theodor Stolojan, tru Partia Liberal Democrată. El adăvga că aţeali dauă partii va să zburască, ama, ma multi optiun’i, vichi şi adrarea a unăl’ei partii populară vărtoasă. Cu ndauă dzăli ma ninti, Stolojan spunea cu boaţi că partidlu a lui easti exponentul a liberalismului di dreapta, că nu poati să s-tuchească tru altă partie ş-că nu zburaşti ti adrari ună partii. Ma s-acăţăm tu isapi aesti declaraţii, ama şi aţea că tut să zburără informaţii ti niachicăserli anamisa di aţeali dauă partii, tută lumea achicăsi că, toradioară, ti perspectiva a unei suţată şi, cu ahătu ma puţăn, a unei fuziuni, nu easti zborlu. Ama, goadă di teatru: luni dicseară, Emil Boc şi Theodor Stolojan dimăndară că aestă ahăt di improbabilă fuziuni va s-facă, şi nica ntrăoară va s-facă, ş-deapoa s-hibă fundată ună nauă partii politică cu numa Partidlu Democrat Liberal. Emil Boc: “Apufusim s-pripunem a cumănduserlor a partiilor a noastri adrarea a unăl’ei nauă partie politică di ţentru-dreapta, inşiită ditu făţearea ună a PD şi a PLD. Naua partie va s-hibă afiliată la Partidlu Popular European şi va lu-ţănă năuntru curentul di ţentru şi curentul liberal.” Theodor Stolojan: “Aestu partid va s-hibă furteaţa politică vărtoasă, ţi va s-prezinţă un program di guvernare limbid, hăirlătic, stabil, ti prucuchia a văsiliil’ei, ti criştearea nivelu di bană a oamin’ilor.” Alăsăndalui nanăparti caractirlu nu ahăt popular, căt ma multu populistu a aţil’ei dit soni declaraţii, armâni un mistiryiu, ică vahi nu, cum s-putu că, ti ndauă sihăţ, dauă partii s-apufusească cându, ună turlie normală, easti ananghi ti stămăn’i, cara nu ş-di meşi, di păzărăpseri tra s-agiungă la un ahtari lucru. Jurnalili di Bucureşti nu para avură chiro s-li scoată tu videală aţeali lucri di dinăpoia a aiştui mistiryiu cari pari ama s-hibă ma multu un mistico al Polichinelle. GANDUL ngrăpseaşti că liberal democraţl’ii pro-prezidenţiali s-tuchiră tru noulu partid ta s-lu haristusească prezidentul ali Românie, Traian Basescu, caplu di ma ninti a Partidlui Democrat. EVENIMENTUL ZILEI, aprucheat di instituţia prezidenţială, ngrăpseaşti: “Băsescu bagă zori ti amintarea a Partidlui Democrat Liberal”. Deapoa Ludovic Orban, viţeprezidentul a Partidlui Naţional Liberal, ţi easti la puteari şi dit cari s-ampărţără liberal democraţl’ii al Stolojan, spuni sarcastic că: “Bãsescu deadi cumandu Boc şi Stolojan executara. Eara ună apufuseari greu ti pistipseari di cetăţeni după declaraţiili a domnului Boc, cari spusi că ici nu poati s-hibă zborlu ti suţată dimi maş după alidzeri, ama s-pari că lă gri la Prezidenţil’ie şi, ună turlie democratică, aprucheară cumandul a prezidentului.” Textul: Mirel Rădulescu Apriduţearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International