| Romania si Spatiul Schengen |
| (2010-11-15) |
| Atea dit soni aspuneari: 2010-11-15 12:50 EET |
Spatiul Schengen s-amintă tu intrata a anilor 80, candu presedintii ali Frantii si Ghirmanie loară apofasea ti scutearea a pusputerlor la sinurili anamisa di vasiliili a lor. Fu un gestu vizionar ti ună Europa fara sinuri dinăuntru si fara pusputeri la sinurili namisa di stati, ama maș la gărnițili externi ali UE. Tora, 25 di văsilii europeni suntu membre cu ndrepturi acutotalui tu Acordul Schengen. Ună achicăseari ți s-ndreadzi s-aproachi tu martu anlu ti yini, alti doua stati: Romania si Văryăria. Ti aderarea tu aestu spatiu, Romania treați un proces di evaluari tu ma multi hopi dit cari doua fură, ndreapti: pitrițearea a declaratiilor di ndridzeari mutrinda aderarea si pitrițearea a chestionarului Schengen. Tutnaoară, nchisi si a treia si nai ma importanta hopă, aradapsearea a vizitilor di evaluari ti mutrearea a stadiului di băgari tu practichii a aquisului Schengen. Prota isapi easti a aților sasi rapoarti di evaluari di pana tora, easti ca Romania s-afla tu un stadiu avansat tu ti mutreasti băgarea a aquisului si easti, tu mari parti, etimă s- aderă la aestu spatiu. Singurlu raportu ti recomanda reevaluarea ali Romanie easti ațel a sinurlor aerieni. Ti umplearea aiuștui scupo, Romania avu agiutor financiar european, fondurile di paradz agiungândalui la 600 miliuni di euro. Statili membri si-spusiră haraua ti turlia prit cari Romania apruche urnimiili a echipilor di evaluari. Ghirmania, spusi, saptamana ti tricu, prit ambasadorlu di Bucuresti, Andreas von Mattenheim, ti ndruparea a lei ti aderarea ali Romanie, asi cum u fac tuti văsiliili europene parteneri, ti atea că alidzem aestu proiectu niți nu easti. Oficialu ghirman adavga ca proceslu di evaluare ali Romanie s-duți dupu plan ama ca aderarea, prividzuta ti martu 2011, nica nu s-bitisi. Alti văsilii, cum Frantia, nu si-spusi pozitia. Oficialii guvernamentali di Paris , ama ca Romania si Văryăria nu suntu etimi s-aderă la vadelu pruvidzut si ndrupăscu amanarea a unăei apofasi tu aestu sensu, pana tu veara a anlui ti yini. Apândăsindalui a criticilor, ministrul roman di Externi, Teodor Baconschi, declara, tu arada a lui, ca Frantia, cum si altă parteneri europeni cari au șubei, va s-hibă, pana tu soni, cândăsită di capacitatea ali Romanie ta s-umplă acutotalui, criteriili di aderari.
Autor:Valentin Tigau
Armânipseari: Aurica Piha
|
2025-04-03
Print
Puteț s-avdzâț căndțido