Radio Romania International

Arhiva :

NAI MAI AVUŢL’I 300 DI ROMÂN’I
(2007-11-28)
Atea dit soni aspuneari: 2007-11-28 14:02 EET Print
Di anlu ţi tricu, avearea a aţiloru 300 bâgaţ tu top criscu cu ma multu di 11 miliardi di dolari. Publicaţia Capital, ângrâpseaşti câ tu Românie ari 9 miliardari, di cari nai ma avutlu easti Dinu Patriciu, cu unâ aveari luyursitâ la 3,1 – 3,3 miliardi di dolari. Tu ahurhita a meslui yizmâciun, numa alu Dinu Patriciu eara pi prota frândzâ a jurnaliloru ditu Românie după ţi vindu ali companie di statu KazMunaiGaz di Kazahstan 75% di acţiun’ili a gruplui a lui Rompetrol Holding - unâ di nai ma mărli tranzacţii ditu istoria postdecembristâ ali Românie. Pi locul al doilea tu top easti emburlu George Becali, finanţator a clublui di fotbal Steaua Bucureşti şi prezidentu a Partidului Noua Generaţie, cari, dumânicâ, nu lu tricu praglu di 5% di cari easti ananghi ta ş-pitreacâ reprezentanţâ tu Parlamentul European. Avearea luyursitâ alu George Becali easti di 2,8 – 3 miliardi di dolari, adunatâ ditu emburlâchi imobiliarâ, ditu fotbal şi ditu activităţ industriali. Dapoia yini Ion Ţiriac, cu unâ aveari di 2,2 – 2,4 miliardi di dolari ditu activităţ tu dumeniili financiar-bancar, a asigurărlor, auto, ali emburlâchi şi imobiliar. Nu mai puţân di 160 di aţel’i bâgaţ tu top au investitâ tu imobiliari, dumeni tu cari pâhadzl’i au explodatâ tu aeşti ditu soni 3 - 4 an’i. Directorlu executiv a trustului Ringier Romania, Iulia Dinu: “Criştearea spusâ di averli ditu top 300 easti reprezentativâ ti icunumia romaneascâ, tu gheneral, cari nâ spusi crişteri muşati aproapea tu tuti sectoarili, tu aţel’i ditu soni 5 pânâ di 8 an’i. Sectorlu cari agiută ma multu la criştearea a averlor aţilor ditu top armâni aţelu imobiliar, ama nu maş elu. Zburâmu aoa ti pâzarea di capital, zburâmu ti comunicaţii, ti IT şi ti multi alti sectoari cu importanţâ ma n’icâ, ama cari duc la crişteri sânâtoasi.” Ditu clublu a miliardarlor tu dolari ali Românie facu parti controversatlu emburu Sorin Ovidiu Vântu, cu investiţii financiari, tu media ş-tu imobiliari, fraţl’i Viorel şi Ioan Micula, cari au dezvoltatâ unâ alithea amirâril’ie alimentarâ şi a biuturlor alcooliţi şi nialcooliţi tu vestul ali vâsilie. Yini dapoia pi aradhâ familia Păunescu, cari ş-ea feaţi investiţii, tu imobiliare, cumu ş-tu industria hotelierâ, dapoia Iosif Constantin Drăgan, cu activităţ tu dumeniili ali distribuţie di pârmâtii petrolieri, edituri, imobiliar şi transporturi, Ioan Niculai – emburlâchi cu xeanili, agriculturâ şi asiguripseri -, şi Zoltan Teszari, tu dumenea a comunicaţiilor. S- bâgămu oarâ ş-câ aţelu di ma ninti antrenor ali pareie di fotbal Steaua Bucureşti, Gheorghi Hagi, easti pi protlu loc tu clasamentul a nai ma avuţloru sportivi şi tehnicien’i roman’i, cu unâ aveari luyursitâ la 45 - 47 di miliun’i di dolari. Autor: Cristian Mihu Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International