Radio Romania International

Arhiva :

20 AN’I DI LA DEMONSTRAŢIILI ANTICOMUNISTI DI BRAŞOV
(2007-11-28)
Atea dit soni aspuneari: 2007-11-28 12:39 EET Print
Ti bârnili di român’i faptâ după 1989, greva anticomunistă di Braşov ditu 1987 easti unâ isturie cari prindi s-hibâ spusâ diznou a tinirlor, cu tuti câ ti bârnili di oamin’i tu ilichie evenimentili di atunţea furâ alithea drami. Isturia a Braşovlui 1987 prindi s-hibâ spusâ câţe memoria, cari ş-ea easti umineascâ, s-aşteardzi cu chirolu. Ti aţea nâscânti lucri di chiro, chiro prindi s-hibâ adusi aminti. Criza icunomică multu mari a an’ilor 1980 adusi tu Românie raţionalizarea a mâcaril’ei, a apâl’ei, a căldurâl’ei ş-ali a energhie electricâ ti hârgiuiarea din casâ. Dun’iaua ditu Românietrapsi multu di aestâ itie, tu chirolu cându Nicolae Ceauşescu şi nomenclatura comunistă avea di tuti buneţli. Arâvdarea a român’ilor cripă prota tu 1977 cându minerl’i au ânchisirâ protlu protestu cama mari di dupu doilu polim mondial. Cumitia ditu 1987 scoasi tu migdani câ un reghim thimil’iusitu pi teroari mata pati s-ducâ ninti. 15 di brumaru 1987 easti data cîndu român’il’i şi-u amintarâ diznou nâmuzea greu pliguitâ pritu greva a lucrâtorlor di la uzinili Steagul Roşu şi Tractorul ditu câsâbălu Braşov hiinda un exemplu di curaj şi un simnal di alarmă contra ali xichi di arşini, minciunâ, egoismu şi ali banâ greauâ gheneralizatâ. Tu noaptea di 14 prindu 15 di brumaru, la secţia 440 di ştanţi şi matriţi ali Uzinâ di Autocamioani “Steagul Roşu” ânchisi unu conflictu di lucru anamisa di lucrâtori şi şefan’il’i a loru. Scînteua cari li apreasi spiritili fu scâdearea mari a tin’iilor di cafi mesu a lucrâtorlor, tu condiţiili tu cari presa comunistă dâdea hâbari hârioasâ câ s-feaţi planlu. Numa a frezorlui Ion Şerb, nai ma tin’isitlu omu ditu secţia ştanţi şi matriţi, exemplu ţilu loarâ colegan’il’i a lui, easti azâ nicunuscutu. Anvârliga di elu ş-di altâ oamin’i curajoşi, 15000 di braşoven’i s-mutarâ s-li apârâ ăndrepturli a loru salariale, ândrepturli a loru fundamentali la banâ. Ţi mata ducheaşti bârnul di azâ ti aputrusearea fizică a forţilor di aradhâ contra a nâscântor oamin’i cari manifesta? Ţi mata minduiaşti ti pidepsi cu ahapsi di la 3 la 5 an’i ti infracţiunea inventată di huliganismu? Icâ aţea di domiciliu obligatoriu? Maca suntu adusi aminti fără niţi unu contextu, tuti aesti nu au niţi unâ semnificaţie. Ama alithea a loru semnificaţie s-veadi maş cându li mutrimu ca pi unâ comparaţie: anamisa di atitudinea a nâscântor oamin’i cari ş-u aflarâ diznou libirtatea şi conformismul ali majoritati. Autor: Steliu Lambru Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International