Radio Romania International

Arhiva :

Problemi tu suţata di guvernari (08.11.2010)
(2010-11-08)
Atea dit soni aspuneari: 2010-11-12 11:32 EET Print
Partener-junior, ama ţi angreacă cabaia tu suţata guvernamentală adratâ deadun cu PDL şi UNPR, UDMR dimăndă, prit apofasea ţi u lo, că armâni tu Executivlu di Bucureşti maş cu căftarea a existenţăl’ei ună majoritati parlamentară irbapi s-voteadză năulu Nom a Înviţămintului. Căftarea easti susto faptă la ună formaţiune cunuscută prit harea a l’ei cu cari păzărăpseasti ş-cu cari ţăni totna, uşi dişcl’isi cătă tut ţercl’iul politic. Ama sirţâl’ia a iholui spuni niifharistusearea ţi u trec liderl’i ali Uniuni după ţi, sţâmăna ţi tricu, Curtea Constituţională anchidică planlu a Guvernului ta ş-l’ia borgea prit aestu proiectu legislativ. Di furn’ia că votlu apufusit fu a unlui giudicător aleptu di prezidentul Traian Băsescu - lider di facto a PDL şi nun di jure ali suţată – âl’i cărti maghiarl’i, cari s-duchiră purdaţ di parteneri. Nistrăxită di sindicatili a profesorlor, ama aplaudată di ONG-urli cari cutuyursescu ixichea di compititivitati a înviţămintului românescu, reforma tru dumeni ari ti UDMR ună miză ma ayon’a simbolică. Unăoară cu băgarea a oarilor dit istoria şi geografia ali Românie tu maghiară, aestă va lu adarâ cama lâryuriu cadurlu ţi easti filotim, dimi da izini ti studii tu limba maternă di la grădiniţă până la facultati. Prit comparaţie, armănearea ma largu tu Executiv easti cabaia hăirlătică, căţe aestă va s-dzăcă, portofolii ministeriali, funcţii di prefectu, şefia a niscăntor agenţii guvernamentali şi direcţii dit teritoriu, ama şi darea preferenţială di păradz di la buget ti circumscripţiile cu senatori ică deputaţ UDMR. Handicaplu a PDL easti că nu armasi maş el partidlu gol irbapi s-da ali Uniuni tuti aesti dividendi ali guvernari. Dit opoziţie, PSD şi PNL feaţiră acl’imari susto că UDMR s-voteadză moţiunile di cenzură contra a echipăl’ei al Emil Boc, di lă asiguripsescu, explicit, că tu un virtual guvernu yinitor va ş-ţănă ma largu portofoliile. Alăxearea dit tabăra nu va s-hibă ună năutati. Cooptată, tu premieră, tu Guvern tu 1996, Uniunea armasi niacumtinat tu bănţăli a putearil’ei. Aţeali şasi proţenti dit voturi, pi cari li l’ia constantu di partea a comunitatil’ei maghiari, dit aproapea 1,6 miliun’i di işi u alăxiră Uniunea tu aţea ţi presa număseaşti un partid-balama, axi ta s-arăstoarnă ică s-aducă la puteari guverni. Criştin-democraţl’i, suţial-democraţl’i, naţional-liberali ică democraţl’i-liberali, tuţ guvernară, tu chirolu di ma ninti, deadun cu UDMR. Deapoa erodarea niacumtinată a popularitatil’ei la aestu Cabinet, di furn’ia a politiţlor di sirţăl’ie, ama şi niaxizearil’ei işiş, pari impulsul naima bun aţea turlie că UDMR să-ş alăxească diznău, partenerl’ii. Textul: Bogdan Matei Armâneaşti: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International