Radio Romania International

Arhiva :

Politica FMI în România 02.11.2010
(2010-11-05)
Atea dit soni aspuneari: 2010-11-12 11:33 EET Print
Economia ale Românie va-s aibâ, per ansamblu tru anlu 2010, unâ contracţie di 2% din PIB, ama va-s treacâ, pri-aghalea, pi creaştire şi va-s înreghistreadzâ un avansu di 1,5 procente anlu v’initor. Prognoza fu comunicatâ di şeflu ale delegaţie a FMI, Jeffrey Franks, la bitisita a unei misiune di evaluare la Bucureşti. Negocierile – serte niscântiori - agiumsirâ, cu tute aeste, în punctul vrut di autorităţle române. Conduţirea a Fondului Monetar Internaţional va-s poatâ s-aprobare eliberarea a alântei tranşe di împrumut, în valoare di 900 milioane di euro, la giumitatea a meslui ianuariu 2011. Trâ aestu lucru, Bucureştiul lipseaşte sâ-şi facâ temile. Priorităţle suntu adoptarea a bugetlui pi 2011 în parametril’i di deficit fixaţ prin acordul cu Fondul – 4,4% -, intrarea pi puteare a Leadzil’ei ale salarizare unitarâ în sectorlu public şi a Leadzil’ei ţi reformeadzâ sistemlu di pensii. Autorităţle s-angajarâ, tutunâoarâ, s-reparâ gafa a deputaţlor din arcul guvernamental, ţi adoptarâ, din eroare, misuri ţi s-poate s-aibâ un impactu toxic asupra a bugetlui – TVA di maşi 5% trâ alimentile di bază şi scutirea (l’irtarea) di impozit a pensiilor sum 2000 di lei (460 di euro). Jeffrey Franks insistă asupra ale nivol’e ca România sâ respectâ ţintile (seamnile a scupolui) di deficit bugetar convenite (fapte achicâseare) cu Fondul Monetar Internaţional şi trâ anlu v’initor, şi tru 2012. Aestu obiectiv caftâ ţânirea a misurlor di austeritate adoptate di guvernu veara aestâ, respectiv tâl’erile di salarii şi disponibilizările în sistemlu public, ama şi unâ conduitâ fiscalâ predictibilâ. Jefrrey Franks dzâse: „Alâxerle constante a sistemlui fiscal nu suntu productive şi noi încurajăm fermu autorităţle sâ menţânâ unâ stabilitate cât di cât (nâheam di nâheam) dupu ţi feaţirâ paşi importanţâ (jgl’oate) în iuniu şi în iuliu trâ îmbunătăţarea a veniturlor şi reduţirea a amintatiţlor. Urminia a noastrâ trâ autorităţile române easte sâ-şi menţânâ politiţle fârâ alâxeri majore, macarim trâ un an ică doi”. Pi di altâ parte, FMI va monitorizeadzâ atentu, în continuare, aţeale dzaţe companii publiţe care înreghistreadză di multu chiro chierdiri şi acumuleadză daturii (borge trâ dare), majoritatea din domeniile a transporturlor şi ale energhie. Fondul propuse a guvernului restructurarea, privatizarea ică încl’idirea aluştor şi condiţioneadză continuarea a programului in functie di plata eşalonată a arieratilor, dupu ţi restanţile (armânirle nâpoi) în sănătate crescurâ, din septembriu, cu ninca un miliardu di lei (vârâ 250 milioane di euro). Ma că Putearea di la Bucureşti minimalizeadzâ unile (nischente) asperităţ din relaţia cu Fondul, dispri care scriu şi jurnalile chentrale, partidile di opoziţie arămân critiţe la adresa a Fondului. FMI easte acuzat că faţe presiun’i asupra a Guvernului, şi-l scoate câbate că si alasă dirijat di Fondu. Liberal’l’i dzâc că Fondul s-aibâ constatatâ (vidzutâ) că unâ parte di deficitul bugetar easte ascumtu în arierate (armâniri nâpoi), aţea ţi înseamnă că cifrile a Ministerului di Finanţe nu suntu aţeale reale. Di aoaţe sâ rezultare şi discuţiile dificile dintre delegaţia FMI şi autorităţ. Suţial-democraţl’i cred, şi el’i, că Fondul are nivol’e di garanţii în plus din partea a guvernului în ţi mutreaşte angajamentile loate. PSD plusează şi lu acuzâ pi şeflu a misiunil’ei FMI, Jeffrey Franks, că ş-l’i depăşi atribuţiile (ndrepturle) şi a işi di-tru limitile a cadrului instituţional în care s-hibâ normal sâ evolueadzâ. Un deputat suţial-democrat câftă, başi, ale conduţire FMI di la Washington demitirea a negociatorlui şef trâ România. Iritarea (nârâirea) a PSD fu provocată, în special, di insistenţa cu care Jeffrey Franks câftă modificarea a unui actu normativ adoptat recentu, ţi reglementeadză creditile date di bănche ale populaţie. 02.11.2010 Autor: Ştefan Stoica Armânipseare: Hristu Steriu

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International