Radio Romania International

Arhiva :

Român’il’i tu Schengen
(2010-11-04)
Atea dit soni aspuneari: 2010-11-12 11:41 EET Print
Prezidentu Traian Băsescu şi-dusi ninti aieri tu Slovenia, campania diplomatică ţi ari tu scupo s-asiguripseasca aderarea ali Românie la Spaţiul Schengen tu meslu marţu 2011. El dzasi ca Bucureştilu tin’iseaşti tuti condiţiili ti aderare şi că nu aproachi ideea ca vărnu guvern european s-dănăsească aistu lucru di itia a născăntor temi colaterale, cum suntu aţea a romilor nomadz, fudziţ dit România şi ţi ăl’i lăhtărsiră pi occidental’i.Una ahtari abordari easti dip ună călcari a Tratatlui di aderare, dzăsi prezidentu: „Problema a acceslui tu Spaţiul Schengen easti una problemă tehnică. Sunt şasi rapoarte adrati di Comisia Europeană mutrinda progresili ali Românie aţeali ţi suntu ananghi ti standardili Schengen şi tuti suntu pozitivi. Lipseaşti adrat aţel dit soni raport tu meslu andreu şi noi pistipsim ca România tin’iseaşti tuti condiţiili ţa s-agiumgă membru Schengen.” Amfitrionul al Băsescu, prezidentu sloven, Danilo Turk, dzasi că văsălia a lui andrupaşti aderarea ali Românie la Spaţiul Schengen dit primveara a anlui ţi yini şi că nu veadi furn’ii ti cari aistu proces s-hibă amănatu”. Turk treaţi aşi deadun cu boţli a prezidentlui polonez, Bronislaw Komorowski, şi a cancelarului german, Angela Merkel, ţi tu meşl’i dit soni şi aspusiră Bucureşti, andruparea ti apruchearea ali Românie. Aistă easti ună miză şi ti Republica Moldova (viţină ex-sovietică, majoritar românofonă), candidată, ea işişi la apruchearea tu UE. Vicepremierul Ion Negrei dzăsi ti cotidianul bucureştean EVENIMENTUL ZILEI, că „securizarea a sinurilor comunitari putem s-amintăm maş tu cadrul a unui proces di integrare tu UE ali Republică Moldova.” Autor: Bogdan Matei Armaneaşti: Toma Enache

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International