Radio Romania International

Arhiva :

: Bruxelles-ul şi criza a român’ilor ditu Italie
(2007-11-13)
Atea dit soni aspuneari: 2007-11-13 10:49 EET Print
Criza a român’ilor ditu Italii agiunsi şi pi measa a oficial’ilor di Bruxelles. Aeşti şi spusirâ niifhâristisearea andicra di turlia cumu Roma u ghestionă criza ţi s-feaţi tora ayon’ia di itia a vâtâmaril’ei, aoa ş-aproapea dauâ stâmân’i, Roma, easti şupeie di unu imigrant românu, a unâl’ei italiancâ. Moartea ali italiencâ li feaţi autorităţli ditu peninsulâ s- aprobâ unu decret cari da izini s-hibâ expulzaţ, avinaţ cetăţen’il’i xen’i cari bagâ tu piricl’iu aradha publicâ. Prezidentul ali Comisie Europeanâ, Jose Manuel Durao Barroso, declară, tu unu interviu publicat, dumânicâ, tu jurnalu "La Repubblica", ca nu easti stepsul a Bruxelles-ului câ Italia deadi izini ti existenţa a tâburloru di romi (ghifţâ) ilegali la mardzinaa mărlor câsâbadz. El lâ adusi aminti a guvernanţâlor italien’i câ nu câftarâ vârnâoarâ fonduri sociali europeani ti integrarea a romilor (ghiftâloru). Ma multu, Barroso dzâsi ş-câ statili membri ali UE cari au câftatâ pâradz di Bruxelles ti aestu lucru loarâ fonduri. El deadi ti exemplu România, Vâryâria, Spania, Polonia, Ungaria ş-Cehia, cari dzâsi prezidentul ali CE, loarâ pânâ tora 275 di miliun’i di euro ditu Fondul social european ti integrarea ali comunitati româ (ghifteascâ). Prezidentul ali CE cama dzâsi câ easti falshâ minduiarea câ aţeali ţi s-facu tora tu Italie s-facu di itia câ România ari aderatâ la UE. Experienţa spuni câ tamamu aderarea dusi la criştearea a nivellui icunomic a năilor membri ş-agiută la absorbţia ali migraţiei, adâvgă Barroso. Ligatu di cartea pitricutâ deadunu di premierl’i român, Călin Popescu Tăriceanu ş- italian Romano Prodi, tu cari el’i caftâ intervenţia ali Comisie ti integrarea socialâ a romilor, prezidentul ali CE dzâsi câ Bruxelles-ul li ndrupaşti gaireţli a statilor membri, ama ninti di tuti ari unâ responsabilitati naţionalã şi a autorităţlor locali". Şeflu ali Reprezentanţâ ali Comisie Europeanâ tu Românie, Donato Chiarini, sumucundil’ie câ politicien’il’i român’i prindi s- colaboreazâ cu oficial’i europen’i ti bâgarea pi aradhâ fenomenlu ali migraţie, ama câ "UE nu easti unâ persoanã cari s-poatâ s-ândreagâ aestâ problemã, hiinda zborlu ti libirtatea di urdinari tu Europa". Chiarini pricunuscu câ fenomenlu ali imigraţie agiundzi complexu şi sumucundil’ie cã easti ananghi di lucru deadunu ta s-ascadâ impactul negativ. Premierlu român Călin Popescu Tăriceanu luyursea câ bâgarea pi aradhâ ahtări evenimenti cumu aţeali ditu Italie easti lucurlu a autorităţlor ditu aţeali vâsilii, cari prindi s-u ţânâ aradha, s-asiguripseascâ securitatea a cetăten’ilor a loru, ama şi a emigranţâloru. Elu dzâsi câ Executivlu di Bucureşti nu ari ândreptu di jurisdicţie tu unu teritoriu xenu, ş-poati maş s-li agiutâ autorităţli locali s-ţânâ cheptu la infracţionalitati (aţel’i ţi adarâ zn’ii). Vizita a mea di stâmâna ţi tricu la Roma, declară Tăriceanu, avu şi scupolu s-u alâxeascâ duchearea publicã negativã a italien’ilor andicra di cetăţen’il’i român’i. Mi duşu aclo s-lâ spunu câ majoritatea a român’ilor suntu oamin’i corecţâ ş-tin’isiţ, cari lucreadzâ ş-facu pidimo ti unâ banâ ma bunâ, ş-fapta a unui insu nu poati s-bagâ stepsu pisti tutâ dun’iaua, adăvgă premierlu românu. Tu aradha a loru, ândoi italien’i ţi vinirâ s-bâneadzâ tu hoara Brezoi, ditu sudlu ali Românie, feaţirâ unu apel câtâ conaţional’i a loru s-nu agudeascâ pi fraţl’i român’i ditu peninsulâ ş-lâ adusirâ aminti câ aoa ş-300 di an’i italien’il’i cari au emigratâ tu Românie, furâ ghini aprucheaţ. Autor: Andreea Bojoi Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International