| SȚENA POLITICĂ ROMANEASCÂ NINTI DI EUROPEANI |
| (2007-11-11) |
| Atea dit soni aspuneari: 2007-11-11 18:35 EET |
Prezidentul Traian Băsescu ș-Partidlu Democrat, pi cari lu cumândusi pânâ cându fu aleptu tu frâmtea a statlui, nica easti nai ma vrutlu di electoratlu român. Nai puțân ași s-veadi ditu sondajili ți li feați Institutlu ti Studii di Opinie ș-Marketing, pi șcurtu, INSOMAR, ș-di Asociația ti Transparență ș-Libirtati di Expresie dimi, ATLE. Maș câ, rezultatili di la ațeali dauâ instituții nu para ș-u aducu ș-bagâ diznou, seamni di ântribari andicra di credibilitatea a sondajilor ti cari nu puțâni dzâcu câ ațelu ți-l pâlteaști iasi ghini. INSOMAR lu bagâ pi prezidentul Băsescu pi protlu locu di punctu di videari a credibilitatilei electoralâ, cu 52-53%. Idyiul loc lu acațâ șeflu a statlui ș-tu varianta ATLE, cari lu creditează, ama, cu vârâ 10 proțenti ma puțân. Dupu prezidentu tu vrearea a electoratlui yinu pi aradhâ premierlu liberal Călin Popescu Tãriceanu, liderlu social democrat Mircea Geoanã și unu cama nou vinitu pi stena politicâ, șeflu extra-parlamentarlui Partid Naua Generatie, miliardarlu George Becali. Aestu ditu soni chiru tu varianta INSOMAR, șapti puncti avdzâtlu Gică Hagi. Tu ațea ți mutreaști scorlu ti alidzerli parlamentari, ti PD au naeti s-voteadzâ 42% di ațeli ântribaț tu varianta INSOMAR, și di 34%, tu varianta ATLE. Tu dauâli sondaji, ama cu mări dhiafurali tu procentili afișate, suntu PSD ș- PNL. Alti trei formațiuni suntu anvârliga di 5 proțenti, câtu easti praglu electoral, s-dauâ partidi, ațel conservator și ațel liberal democrat, prezenti tu actualu parlamentu, suntu tu piricliu s-iasâ ditu elu. INSOMAR scoati tu migdani unu averu ti ciudie. 86% di români nu știu câ alidzerli ti Parlamentul European va sâ s-țânâ tu 25 di brumar. Unâ pareie di organizații niguvernamentali, ți ari numa Coaliția ti unu Parlamentu Chischinu, dzâți că 11 candidaț la aesti alidzeri nu suntu oamini cu nâmuzi ș-recomanda ritrâdzearea a lor ditu competiția electorală. Monitorizarea a candidațlor s-feați pi thimeilu a ma multor criterii, cumu suntu amintarea di pâradz di itia a unui conflictu di interesi, anchetarea ti fapti di arușfeti, traseismul politic icâ colaborarea, ca aghentu, icâ informator, cu Securitatea comunistâ. Scupolu a aiștei coaliții nâ lu spuni prezidentul ali Asociație Pro Democratia, Cristian Pârvulescu (track): Noi pistipsimu câ aligãtorii au ândreptul sã știbâ cã ari nâscânti șupei, cã furâ unâ oarâ prezentati tu presã ș-cã lipseaști s- voteazâ cunuscânda averlu. Maca marea majoritati a românilor nu știu cându va sâ s-facâ scrutinlu europarlamentar, vahi și mai multi nu va s-ânveațâ ditu cilâstâserli ali Coaliție ti unu Parlamentu Chischinu, ți suntu contestati di ațeli cutuyursiț, ți suntu arâspândiți pi la tuti partidili.
Autor: Mihai Radulescu
Armânipsearea: Irina Paris
|
2025-04-03
Print
Puteț s-avdzâț căndțido