Radio Romania International

Arhiva :

ROMANIA, LA OARA A PROTILOR ALIDZERI TI PARLAMENTUL EUROPEAN
(2007-11-10)
Atea dit soni aspuneari: 2007-11-10 18:27 EET Print
Viniri, 26 di sumedru 2007 – nchisită, tu campania electorala ti alidzearea, tru arada a protilor alidzeri di aestă turlie dit istoria a văsiliil’ei, a aţilor 35 di deputaţ ali Romanie tru Parlamentul European. Reprezentanţăl’i a 13 di formaţiuni politiţi şi un candidat independent minduescu s-căndăsească electoratlu să-l’i voteadză la scrutinlu europarlamentar dit 25 di brumar. Social-democraţl’i au umutea s-amintă anamisa 10 păn di 13 di mandati, chiro tru cari democraţl’ii suntu ma ambiţioşi, şi ş-apufusiră un scupo di 14 di eurodeputaţ. Partidlu Liberal Democrat, adratu di ună dizidentă dit Partidlu Naţional Liberal, di guvernămăntu, spuni că poati s-amintă 10% dit opţiunile di vot, atea ţi va s-dzăcă 3–4 mandate. Naţional liberalii lugursescu că pot s-amintă 7 mandate şi tut ahănti ari umutea Partidlu România Mare, Partidlu Iniţiativa Naţionala şi Partidlu Naua Generatie. Ma puţăn ambiţioşi suntu aţel’i di la Partidlu Conservator ş-di la Uniunea Democrată a Maghiarlor dit România, aestă dit soni l’ia parti la guvernari, ş-tuti vor căti 2-3 mandate. Neise, Partidlu Naţional Taranesc Criştin Democrat va daua locuri, iara Partida a Rromilor Pro Europa ari naeti s-aibă barimu un europarlamentar. Ma s-adunăm, şi s-lu băgăm tu isapi si candidatul independentu, agiundzem la un total di aproapea 70 di candidaţ cu nădia ti eurodeputaţ, dimi di daua ori ma multu andicra di ţi ari Romania ndreptul. Ma s-mutrim, ama pi aţeali dit soni sondaji di opinie, va s-videm că maşi trei partidi suntu sigura că va s-treacă lişor praglu electoral di 5%, alti trei hiindalui anvărliga di aestu procentu. Alanti formaţiuni politiţi s-pari că nu au nădii s-agiungă la aestu proţentu, aşi că numirlu di europarlamentari ţi ş-lu pirpusiră easti ma multu un yis muşeat, iara realitatea a urnilor di la 25 di brumar va s-hibă ti aesti un chindim bănat cu oclji dişcl’işi. Dupu aţeali declarate păna tora, niscănti partide va s-mărdzinească ta ş-aducă ru prota thesi candidaţl’ii cu agiutorlu a afişilor ică a banerior, alti, avandalui vahi ma mulţă păradz, va s-ndreagă mitinguri, cărvăn’i că dezbateri publiţi. Formaţiunile politiţi vor s-căndăsească electoratul prit mesajlu pozitiv a niscăntor personalităţ, prit promovarea a adeţloru, a yişterlor naţionali, prit proiecte mutrindalui aduţearea a fondurilor comunitare, prit andruparea a ananghil’ei a s-li tin’sească sinferurli ali României câti ori s-l’ia apofasi comunitare, ică a vrearil’ei tra s-hibă scoasi restricţiile di pi păzarea a lucurlui băgati ti lucrătorl’i român’i di niscănti stati europeani. Ama, aşi cum s-duc lucărli tora, nu va s-armănă nanăparti niţi tentativele tra s-acaţă tu moeabeti problemi interne, cum suntu alumta contra ali aruşfeti, modernizarea ali administraţie, independenţa ali justiţie, criştearea a nivelui di bană, educaţia, criştearea a pensiilor. Aţel di ma ninti prezidentu a legislativului european, Pat Cox, ţi easti vinit vizită Bucuresti, declara ca, ma s-eara s-facă campanie electorala tru Romania, vrea să zburască, ntră altili, ti riscul, băgarea tru practichie a clauzăl’ei di salvgardare tru sectorlu agricol. Ama, dl Cox ricunuştea că, pănă tru soni, problemele interne va s-hibă tu amprotusa tru campania electorală, aşa cum s-faţi, dimi, pisti tut, pi continentu, iu avem alidzeri europeani fără Europa, ma ghini spus fără ca Europa s-hibă ună prezenţă consistentă tru moeabeţ. Marea problemă easti, ama, altă. Sondajili spun că ma ghini di giumitati di alegători declară că va s-voteadză, ama maşi un cirec di român’i ştiu că easti zborlu ti alidzeri europene, alanţă nu ştiu ici ţiva. Aşi că intribarea hamletiană easti: Va s-aprăftăsească campania electorala s-alăxească situaţia? Mihai Rădulescu

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International