Radio Romania International

Arhiva :

AVATARURLI A VOTLUI UNINOMINAL
(2007-11-10)
Atea dit soni aspuneari: 2007-11-10 18:02 EET Print
Aligâtorl’i români va s-hibâ tu mari zori, tu 25 di brumaru cându lipseaşti s-apândâseascâ la dauâ provocări ş- ma multi nicunuscuti. Easti ti prota oarâ cându va s-participâ la alidzerli europeani, dupâ aderarea ali Românii la UE, tu protu di yinaru 2007. S-aşteaptâ câ român’il’i, cari şi spusirâ di ma multi ori optimismul ş-vrearea ti ideili europeani, sâ s-prezintâ, tu numir mari, la vot, ta sâ-şi aleagâ favoriţl’i la fotoliili di europarlamentar. Unâ di ântribărli la cari aeşti lipseaşti s-da apandasi easti cumu va s-poatâ aţel’i alepţâ s-reprezintâ ma ghini România aclo Bruxelles câ di Bucureşti? Ş-aestâ nu easti singura ântribari. Aligâtorl’i furâ cl’imaţ, di prezidentul Traian Băsescu, ş-u spunâ pârearea Tutu tu 25 di brumaru, prit referendum, andicra di alâxearea a sistemlui di vot, dimi pritu bâgarea a votlui uninominal. “Hiţ sinfun’i ca la data a yinitoarilor alidzeri parlamentari s-hibâ ufilisitu tu circumscripţii uninominali sistemlu majoritar tu dauâ tururi?” - easti ântribarea scriatâ pi buletini, ama şi aţea adusi cutuyurseri di partea a nâscântor politicien’i. Maca PD, ţi lu ndrupaşti pi şeflu a statlui tu tuti ţi li adarâ, easti sinfun cu varianta a votlui uninominal tu douâ tururi, PNL (la guvernari) pripuni unâ altâ variantâ, dimi vot uninominal mixtu. Dupu pârearea a analiştilor, dauâli formi yilipseascu maş interesili di momentu a nâscântor formaţiun’i ţi acaţâ poziţii ahoryea pi sţena politicâ româneascâ. Di aestâ itie, ma multi ghesturi politiţi niţi nu au ligâturâ cu interesul naţional. Cumu ţi s-hibâ, deţizia a prezidentului s-ţânâ un referendum, cu scupolu declarat s-agiutâ la ânsânâtuşearea a banâl’ei politicâ internâ, easti justificatâ, aşi cumu dzâţea si analistul politic di Bucureşti, Cristian Parvulescu:TRACK “Mini pistipsescu câ prezidentul Traian Băsescu feaţi aţea ţi avea tâxitâ. Nica di la işita a meslui august, dzâsi câ maca pân di 25 di sumedru nu va s-hibâ votat tu Parlamentu unu nomu ti reforma electoralâ, va s-pripunâ referendumlu. Şi aşi feaţi. Di aoa ahurhirâ ncâcerli ligati di sistemili electorale.” Nomlu spuni câ parlamentul nu ari obligaţia s-l’ia tu isapi rezultatlu a consultărlor populari. Constituţia ali Românie spuni ama câ “populu ş-u exercitâ suveranitatea naţionalâ inclusiv prit referendum”. Analistul Cristian Pârvulescu ari frixi câ tamam populu nu va sâ ştibâ, niţi tora, ti ţi va ş-lu da votlu:TRACK“N’i-easti fricâ câ român’il’i nu va s-poatâ s-ducheascâ ţi voteazâ niţi la referendum , niţi la alidzerli europeani, aţeali dauâ campanii va s-minteascâ unâ cu alantâ şi dipu puţân’i va s-poatâ s-acâchiseascâ ţi voteazâ.” Autor: Valentin Tigau Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International