| ALUMTA TI VOTLU UNINOMINAL |
| (2007-11-10) |
| Atea dit soni aspuneari: 2007-11-10 18:01 EET |
Cartea a prezidentului ali Romanie, Traian Basescu, pitricută a Parlamentului, tu cari-li caftă s-pitreacă ti promulgari, pana tu 22 di sumedru, Nomlu a votlui uninominal, vidzut ca ună hălati ti anvărtușeari a clasâei politică, pari s-hibă cutulburată di ună lunga inerție. Comisia parlamentara di Cod Electoral bitisi aieri raportul ti proiectul di nom ti va s-hibă dat ti lăcărdii a Senatlui. Vahi proceslu nu va s-țânea ahât multu maca partidili parlamentari vrea s-băga tu practica disponibilitatea tu declaratii ta s-lia aestu sistem di vot. Tu realitati, niachicăserli anamisa di eali s-duchiră că ti mecanismul ti apruchearea a lui. Niifhăristusit di tergiversarea a parlamentarilor, Traian Basescu pitricu ună carti atilor doi prezidență a camerlor parlamentari tu cari deadi hăbari ca, tu cazlu tu cari nu aproachi ti promulgari legea pana tu 22 di sumedru, va s-da un decret di organizari a unui referendum national pe aeasta tema. Biroulu a Senatlui s-a spuspi cărtit di tonlu a cartilei luyursindalui formula feciu timbihi filisită di Băsescu, una căndăseari di bagari a Legislativlui termeni ultimativi. Easti limbid ama, ca legea nu va s-poată s-hibă pitricută la vadelu căftat di prezidentu cățe lipseaști zburari tu dauli cameri. Tu aestu chiro , apandisea al Traian Basescu easti mutrită di forțili politice. Tu chirolu tu cari Partidlu Democrat, pro-prezidential, dzâți că referendumul poati s-hibă organizat unaoară cu alidzerli europarlamentari di la 25 di brumar, alanti partidi nu aproachi ici varianta. Eali luyursescu ca un referendum concomitent cu protili alidzeri europarlamentari dit istoria ali Romanie va s-da un andrupumintu politic a PD-ului aflat, tora pe protlu loc tu volea a electoratului. Prezentu, martâ, Bucuresti, prezidentul a Parlamentului European, Hans Gert Pottering, declară ca nu veadi niți un cheadic ca un referendum s-hibă organizat tu idyea dzuă cu alidzerli parlamentari. Declaratia aduti ma mari zori ti cursa procedurala tu cari sunt băgati partidili parlamentari. Opozantâi a prezidentului Basescu caftă s-dănăsească, tu Parlamentu, planurili, dit nomlu a referendumlui. Un nom ți l-u alâxiră di patru ori pana tora, dit idyili rațiuni.
Autor: Valentin Tigău
Armânipseari: Aurica Piha
|
2025-04-03
Print
Puteț s-avdzâț căndțido