Radio Romania International

Arhiva :

Moţiunea di cenzură cădzu- 28.10.2010
(2010-10-28)
Atea dit soni aspuneari: 2010-11-12 11:33 EET Print
Cădeari aştiptată, aeri, tu Parlamentul di Bucureşti ti moţiunea iniţiată di opoziţia social-democrată, liberală şi conservatoari contra a Guvernului PDL-UDMR-UNPR ( di chentru): maş 219 voturi "ti", andicra di 236 căt eara ananghi. Di furn’ia a 17 voturi xichi, moţiunea nu fu aprucheată, iara pareia cumândusită di pedelistul Emil Boc armâni ncaplu a Executivului. Băgată contra a misurlor di sirtăl’ie sertă apufăsită, tu mai, di prezidentul Traian Băsescu şi Guvernu, moţiunea părea că l’ia voturi si di pi bănchili ali majoritati. Mulţă senatori şi deputaţ dit arcul guvernamental nu-şi avea ascumtă dipirarea andicra di aspărdzearea galopantă a popularitatiei a Puteariei şi, di veară, la aţea di ma ninti moţiuni di cenzură, avea alăxită taburea. Atumţea,ali Opoziţie ăl’i lipsiră maş optu voturi su-l surpă Boc. Tora ama, parlamentarii PDL, UDMR şi UNPR loară parti la lăcărdii, nu şi la vot. Băgaţ tu bănchi di şefi, el’i nu putură s-voteadză, asi că – paradox tipic ti bana politică românească -, Guvernul bănă fără niţi un vot ti el. Azvingător fară anami, premierul băgă stepsu ali Opoziţie di populismu şi dzasi că moţiunea easti ună colecţie di soluţii iluzorii şi reprezintă mas un exerciţiu di imagine. Emil Boc <<: „Eu pot s-dzăc că ază amintai raţiunea dinintea a populismului şi ali demagogie ali opoziţie, cari ti amărtii agiumsi s-yină maş cu trastul mplin di tăxeri făra anvăleari .”>> Partener-junior la guvernari, UDMR declara, prit boaţea a deputatlui Gergely Olosz, că nu avu emoţii ninti di vot <<: „Eram căndăsit că opoziţia nu poati s-tragă ahâti voturi. Noi ma largu nidzem ninti şi avem pistusinea că aestu guvernu poate să-şi duca ninti misiunea şi s-adara tut ţi tăxi .”>> Dit opoziţie, liderlu PSD, Victor Ponta, fu promotorlu ali moţiuni, şi caplu di coloană a atilor 30 di n’ii di sindicalişti ţi pichetară sediul a Parlamentului. După vot, a şeflui di nastânga l’i armasi maş platonica speranţă că <<: „Ază ahurhi bitisita a regimului Băsescu-Boc. Prit turlia cum s-purtară, aducândalui n’ii di jandarmi, şi turlii di oamin’i păltiţ s-angiură opoziţia, prit turlia cum ancupărară parlamentarii şi lă dzasiră s-nu voteadză, aestă easti bitisita.”>> Prezidentul PNL, Crin Antonescu, avu sarcasmi ti majoritatea guvernamentală <<: „Posibilităţili a puteriei ta s-alaxeasca născănţă oamin’i cu coloană vertebrală tu născânti prici ţi s-trag pisti loc, muti, fixati di bănchi fură mări. Bănăm tu ună văsilii cumândusită di un guvern cu 10% pistusini di partea a popului şi cu zero voturi ti ndrupari tu parlamentu di partea ali majorităti.” >>Jurnalu ROMÂNIA LIBERĂ nu aproachi retorica apocaliptică şi zburaşti ti furn’iili ti cari cădzu moţiunea: niachicăserli anamisa di PSD şi PNL, disciplina fu băgată tu PDL, eşeclu ali joncţiuni anamisa di opoziţie şi protestili sindicali.” „<>” - ironizeadză şi ADEVĂRUL marea mobilizari socialisto-sindicalistă, dusi la ună mari chireari. GÂNDUL, al’iumtrea , faţi timbihi că niti Guvernul Boc nu-poati să spuna că amintă . Căţe, scrie jurnalu, di la comunişti ncoa, “n-u fu una aruptură ahăt mari anamisa di un executiv ali Românie şi populu aiştei văsilii, iara nihăristusirea populară s-alăxi tu ură.” Autor: Bogdan Matei Armânipseari: Aurica Piha

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International