| PREZIDENTUL ALI POLONIE, TU ROMANIA- (27.10.2010) |
| (2010-10-27) |
| Atea dit soni aspuneari: 2010-11-12 11:40 EET |
 Simnată, tu 1985, tu ună nică localitati di Luxembourg, di la cari yini numa, achicăsearea Schengen reprezintă aplicarea a unui di principiili fundamentali a Uniuniei Europeni, dimi libirtatea di minari. Di Spatiul Schengen fac parti, tora, 25 di stati, dit cari 22 membri a Uniuniei Europeni, cari fură simfuni s-da nanăparti sinurili anamisa di eali. Misticărli politiți, economiți si strategiți a achicasearilei suntu multu importanti, asi că iți nauă tindeari a Spatiului Schengen s-facă prit consensul a statilor membri. Vadelu loat di Romania ti aderari la Schengen easti martu 2011. Bucurestiul dzăți că ș-adră temili ama aestu lucru nu easti aprucheat di tuț. Un raportu a Centrului Roman ti Politiț Europeni spuni că Romania si-adră temili ti aderarea la Spatiul Schengen, ama nu di nota 10. Guvernul, să spuni tu raportu, zbură ti apruchearea a Uniuniei Europeană, cum s-feați la intrarea tu Uniunea Europeana, ama, di aestă oară ți ș-li lo, Romania ari nica 4, ti ndridzeari. Problemili ți li ari Romania suntu di natura tehnica si politica. Ațeali tehniți zburăscu ti Sistemlu di Informatii Schengen si di sinurli aerieni. Să spuni că, pana tu insita a anlui, niagiundzerli va s-treacă. Marea căndăseari easti ună politica. Sistemlu judiciar romanescu easti, nica, monitorizat di Uniunea Europeana iara problema ti integrari a ghifțălor cărteasti născănti văsilii a Uniuniei, cum Franta. Ari ama si văsilii ți ndrupascu. Martă, Bucuresti, prezidentul ali Polonie, Bronislaw Komorovski, declară ca văsilia va s-ndrupască gairețli ali Romanie ti statutlu di membru a Spatiului Schengen. L-u asiguripsim domnul Komorowski, declara, tu arada a lui, seflu a statului roman, Traian Basescu, di tut agiutorlu a nostru ti prezidentia poloneza a Uniuniei Europeană, ți yini dupa presedintia ungara. Him tu ună zona bună a prezidentiilor europeani, atea ți nă da curayiu. Căftăm agioutor ca intrarea ali Romanie tu Spatiul Schengen s-hibă dupu tratatlu di aderari si cu conditiili ți si noi si Uniunea Europeana li apruchem ti intrarea ali Romanie tu organizatie
Autor: Valentin Tigau
Armânipseari: Aurica Piha
|
2025-04-03
Print
Puteț s-avdzâț căndțido