Radio Romania International

Arhiva :

Criza italiano-română a emigranţâloru
(2007-11-08)
Atea dit soni aspuneari: 2007-11-08 15:28 EET Print
Romania ş- Italia câftarâ oficial ândruparea ali Comisiei Europeanâ ti integrarea socialâ a imigranţâloru ditu peninsulâ, maxusu a aţiloru di etnii româ (ghifteascâ). Câftarea s-faţi după ţi un cetăţeanu românu di orighini romă (ghifteascâ) a atacâ unâ italiancâ aproapea di unâ tâburi di oamin’i fârâ casâ Roma. Moartea ali italiencâ ânchisi misuri serti di partea a autorităţlor, unâ retoricâ agresivâ a politicien’ilor şi a presâl’ei ditu Peninsulâ, cumu şi acti xenofobi. Guvernul italian scoasi pi ayunie un decret-nomu prit cari xen’il’i luyursiţ câ bagâ tu piricl’iu securitatea publicâ potu s-hibâ avinaţ ântr-oarâ ditu Italie. Mulţâ român’i furâ pitricuţ nâpoi acasâ. Alţâ s-turnarâ singuri aspâreaţ ş-nu patâ ţiva. Bucureştiul a lo ş-elu misuri ta s-u nchieadicâ şi s-u ascadâ criminalitatea tu aradha a român’ilor ditu Italie, cumu ş-ti apârarea a aţiloru cari lucreazâ tin’isitu tu aestâ vâsilie. Deadunu cu ministrul di Interni şi aţelu ti Politica cu Xeanili, premierlu Călin Popescu Tăriceanu u lo calea ali Româ ta s- analizeazâ criza deadunu cu omologlu a lui, Romano Prodi. Nai ma hâirlâtica apandasi poati s-u da maş Uniunea Europeanâ, dzâsirâ doil’i, udyea cu aţea ţi avea dzâsâ cu ândauâ dzâli ma ninti prezidentul ali Românie, Traian Băsescu - problema a romilor ( a ghiftâloru) nu easti maş ali Românie, câ ali Europâ ntreagâ. Călin Popescu Tăriceanu (track): « Nâ aşteptămu ca Bruxellesul s-l’ia tu isapi aestâ câftari ta s-ândreagâ politiţ pi nivel european di integrari socialâ cu acţentu pi educaţie, tu idyiul chiro cu unâ aplicari, sâ spunemu, coerentâ pi nivelu UE a problematicâl’ei ali migraţie». Aştiptânda s-hibâ ndreptu unu plan pi nivel european, responsabil’i român’i şi italien’i apufusirâ misuri concreti. Easti zborlu, pi ninga alti, ti adrarea unâ pareie di lucru di reprezentanţâ a ministeriloru a Lucrului, Internilor ş-Educaţie ditu aţeali dauâ vâsilii. Pareia va s-ândrupascâ integrarea socialâ a aţiloru cari migreazâ şi pitrioţearea acasâ a aţiloru cari nu au posibilitatea s- armânâ tu Italie. Easti zborlu ş-ti adrarea unâ forţâ deadunu di intervenţie, la cari va s-participâ şi treidzăţ di poliţiştii român’i. Romano Prodi deadi asiguripseri câ autorităţl’i italiani nu va s-facâ avinări tu masâ, câ maş individuali, cu tin’isearea a nomurloru europeani. Elu adusi aminti, tutnâoarâ, contribuţia importantâ pi cari lucrâtorl’i român’i u au la icunumia italianâ şi sumucundil’ie câ Italia nu va s-bagâ restricţii pi piaţa a lucrului şi niţi nu va u discrimineadzâ comunitatea româneascâ andicra di alti comunităţ. Romano Prodi (track): «Avinărli va s-hibâ maş pi nivel individual, uidisitu linii cu directiva ali Comunitati Europeanâ tu ţi mutreaşti libira urdinari pi loclu ali Uniunii Europeanâ ». Nu lipseaşti s-luyursimu idyea turlie pi aţel’i ţi lucreadzâ n’isitu cu aţel’i ţi adarâ zn’ii S-niţi s-nu hibâ atacaţ aţel’i cari caftâ oportunităţ tu alti vâsilii, s-italian’il’i lipseaşti s-lu ştibâ ghini aestu lucru, dzâsi Prodi. Prezidentul Băsescu aduţi aminti ş-elu câ “premierl’i italien’i, emu Berlusconi, emu Prodi, avurâ maş zboarâ di alâvdari la adresa a român’ilor, tu condiţiili tu cari aeşti nu vinirâ prota oarâ tu Italie tu protu di yinaru 2007”: « Mintâturli lipseaşti s-li astriţemu, s-politicien’il’i prindi s-aibâ mintiminil’ia s- analizeazâ realistu. S- nu li arcâmu problemili di Roma la Bucureşti, di Bucuresti la Roma. Escu sinfunu cu pidipsearea iţi românu cari faţi zn’ii pi loclu ali Italie, ama pideapsa lipseaşti s-nu s-facâ cu câlcarea a ândrepturlor a omlui şi niţi unâ gheneralizari nu easti ti aprucheari ». Autor: Corina Cristea Armânipsearea : Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International