Radio Romania International

Arhiva :

ALIDZERI EUROPEANI TU ROMÂNIE
(2007-11-08)
Atea dit soni aspuneari: 2007-11-08 14:33 EET Print
România intră tu campania ti alidzerli europarlamentari ditu 25 di brumaru, priotili după aderarea ali vâsilii la UI tu 1 di yinaru 2007. Bucureştiul va s-hibâ reprezentatu tun Leghislativlu european di 35 di parlamentari, împârţâţ pi familii politiţi. 13 formaţiun’i politiţi, di cari 6 parlamentari şi 7 niparlamentari, şi un candidat independentu va s-facâ gaireti s-lu cândâseascâ electoratlu di importanţa reprezentaril’ei ali Românie pi nivelul a Parlamentului European. Mandatlu a europarlamentarlor român’i va s-hibâ ma şcurtu, pân tu primveara a anlui 2009, cându va s-hibâ organizati alidzeri europeani la vade tu tută Uniunea. Di aradhâ, mandatlu easti di 5 an’i. Aligâtorl’i suntu cl’imaţ sâ-şi aleagâ reprezentanţâl’i tu Legislativul comunitar dumânicâ, 25 di brumaru 2007, dila oara 07.00 pân di oara 21.00, oara ali Românie. Tu idyea dzuuâ easti convocatu di prezidentul ali Românie, Traian Băsescu, un referendum naţional desi laolu vrea s-hibâ bâgatu votlului tu circumscripţii uninominali, ahurhinda cu yinitoarili alidzeri parlamentari. Alidzerli ti Parlamentul European suntu organizati pi nivel naţional, tu maş unâ singurã circumscripţie. Praglu electoral easti di 5% ditu voturli valabil exprimati. Ta s-hibâ alepţâ, candidaţl’i independenţâ prindi s-treacâ norma electoralã apufusitã prit ampârţarea a numirlui total di voturi valabil exprimati la 35, numirlu di mandati ti România. Cetăţen’il’i român’i cari au iolichia di 18 an’i, umpluţ pân tu dzuua a alidzerlor inclusiv, au ândreptul s-aleagâ membri ditu Românie tu Parlamentul European. Cetăţen’il’i român’i cari au ândreptu di vot şi umplurâ , până tu dzuua a alidzerlor inclusiv, ilichia di 23 di an’i au ândreptul s-hibâ alepţâ tu Parlamentul European. Dispoziţiili s- aplică şi ti cetăţen’il’i român’i cari au domiciliul icâ reşedinţa tu xeani. Ministerlu ti Politica cu Xeanili va s- organizeazâ 181 di secţii di votari pi ningã ambasadili ali Românie (secţiili consulari), consulati ghenerali şi consulati onorifiţi, ti exercitarea a ândreptului di vot la alidzerli europarlamentari ditu 25 di brumaru di cetãţen’il’i român’i ţi suntu tu xeani. Aeşti va s-poatâ s-voteazâ pi thimel’iu a unui actu di identitati valabil: paşaportu diplomatic, paşaportu di serviciu, paşaportu simplu, paşaportu temporar, titlu di cãlãtorie, carti di identitati. Alti nauã secţii di votari suntu organizati di Ministerlu ali Apãrãrii tu teatrili di operaţiun’i di pisti sinuri. Tuţ cetãţen’il’i român’i cari voteazã tu xeani, emu aţel’i cu domiciliul tu xeani, cum şi aţel’i cu domiciliul tu Românie, va s-completeazâ unâ declaraţie pi arãspunderea a lor cumu câ nu au votatâ ş-niţi nu va s-voteazâ tu altu locu tu aţea dzuuâ. Scrutinlu va sâ s-tânâ anamisa di oarili 7.00-21.00 (oara localã tu cafi unâ vâsilie). Cetăţen’il’i a statilor membri ali Uniuni Europeanâ cari au reşedinţa icâ domiciliul pi loclu ali Românie au ândreptu di vot şi s-hibâ alepţâ ca membri ditu România tu Parlamentul European, tu idyilii condiţii ca şi cetăţen’i român’i, sum rezerva tin’isearil’ei a nomlui ditu Românie. Ti scrutinlu di la 25 noiembrie nu s-au scriatâ candidaţi eligibili comunitar. Pritu aligătoru comunitar s-acâchiseaşti iţi cetăţean a unui stat membru ali Uniuni Europeanâ, altu di România, cari ari ândreptul s- aleagâ tu Românie ti Parlamentul European, avânda domiciliu icâ reşedinţa tu Românie. Pritu aliegâtor resortisantu s-acâchiseşti iţi cetăţean ali Românie cari ari ândreptul s-aleagâ membri ditu Românie tu Parlamentul European. Pritu persoanâ eligibilă comunitar s-acâchiseaşti iţi cetăţean a unui stat membru ali Uniuni Europeanâ cari ari ândreptul s-hibâ aleptu ti Parlamentul European, avânda domiciliul icâ reşedinţa tu Românie. Alegătorl’i comunitari cari au ândreptu di vot suntu scriaţ, la cereri, di primarlu ali unitati administrativ-teritorialâ tu cari au reşedinţa icâ domiciliul, tu unâ listă electorală specială. Câftarea s-bagâ cu nai puţân 60 di dzâli ninti di alidzeri deadunu cu unu documentu valabil di identitati icâ di iţi altu ahtari documentu cari atestă identitatea, cumu şi di unâ declaraţie oficialâ, pi arăspundearea işişi, cari lipseaşti s-aibâ aesti preţizări: cetăţenia şi adresa la cari solicitantul şeadi pi teritoriul ali Românie; localitatea icâ circumscripţia electorală, după caz, ditu statlu membru di origini, pi a curi listi electorali aestu easti îngrâpsitu; menţiunea că voteazâ maş tu Românie; menţiunea că nu âl’i fu stâmusitu, pritu unâ apofasi giudicâtoreascâ definitivă, ândreptul di vot tu statlu membru di origini. Tu cazlu tu cari aligătorlu comunitar li umpli condiţiili pruvidzuti di nomu, Autoritatea Electorală Permanentă comunică a primarlui ali unitati administrativ-teritorialâ apofasea a lui ângrâpsearea a solicitantului pi listili electorali speciali. Comunicarea yini deadunu cu unâ mârtirie pi a curi thimel’iu solicitantul poati s-ufiliseascâ ândreptul s-aleagâ membri ditu Românie tu Parlamentul European, la iţi secţie di votari organizată ti aesti alidzeri. Autoritatea Electorală Permanentă informeazâ instituţiili cu responsabilităţ di idyea turlie ditu statlu membru ali Uniuni Europeanâ a curi cetăţean easti că aiştui âl’i fu dat ândreptul s-aleagâ membri ditu Românie tu Parlamentul European. Autoritatea faţi alâxeri di informaţii cu instituţiili ditu statili membri ali Uniunii Europeanâ cari au responsabilităţ di idyea turlie, cu scupolu s-bagâ oarâ că cetăţen’l’i român’i cu reşedinţa icâ domiciliul tu xeani, respectiv aligătorl’i comunitari, nu votează di mai multi ori şi că aeşti nu candidează tu ma multu di un stat membru ali Uniuni Europeanâ. Persoanili ţi suntu tu Românie cari nu va s-voteazâ tu circumscripţia electoralã la cari sunt arondati va s-hibâ tricuti pi listili electorali suplimentari. Ta s-ânchiadicâ votlu multiplu, Guvernul apufusi ca aligãtorl’i ângrâpsiţ pi listili suplimentari s-voteazâ maş dupã completarea unâ declaraţie pi arãspundeara a lor işişi prit cari preţizeazã cã nu au votatâ şi tu alti circumscripţii. Tu cazlu tu cari va s-hibâ aflaţ aligãtori cari au votatâ di mai multi ori, va s-ânchiseascâ cercetarea penalã. Aşi cum spuneamu, prezidentul Traian Bãsescu deadi hâbari câ organizarea unu referendum ti bâgarea a votlui uninominal, tu idyiul chiro cu alidzerli ti Parlamentul European. Cetăţen’il’i român’i cu ândreptu di vot va s-hibâ cl’imaţ s-da apandisi la ntribarea: 'Hiţ sinfun caahurhinda cu protili alidzeri cari va s-hibâ organizati ti Parlamentul ali Românie, tuţ deputaţl’i şi senatorl’i s-hibâ aleptâ tu circumscripţii uninominali, pi thimeilu a unui scrutin majoritar tu dauã tururi?'. Autor: Eugen Cojocariu Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International