Radio Romania International

Arhiva :

Misiunia a FMI easti vinita tu România (22.10.2010)
(2010-10-22)
Atea dit soni aspuneari: 2010-10-27 15:20 EET Print
Isapea preliminară pi cari FMI u feaţi ti programlu economic a guvernului român spuni nădie cu ngătan. După moeabeţli ţi s-ţănură la Ministerlu a Finanţilor, caplu a misiunil’ei FMI Bucureşti, Jeffrey Franks, spusi că datili mutrindalui ixichea bugetară pi trimestrul III easti multu bună, aţea ţi va s-dzăcă că România ari şansi buni ta s-armănă pi scara di ixichi apufusită ti aestu an, dimi 6,8% dit PIB. Di altă parte, limita a ixichil’ei ti anlu ţi yini armâni la 4,4%, spusi Franks, întribat ţi mindueaşti ti n’icsurarea a TVA la măcărli di thimel’iu la 5% şi nimpozitarea a pensiilor ma n’iţ di 2.000 di lei, echivalentul a 460 di euro. Aţeali două misuri fură aprobate, nolgica a stămănăl’ei, di Camera a Deputaţlor, cu concursul involuntar a parlamentarlor dit tercl’iul guvernamental. Adus tu ună ctastisi slabă di alathusea a majoritatil’ei işiş, Executivlu tăxi a reprezentanţlor a Fondului că va u ndreagă luyuria până la 1 di brumar, cîndu s-bitiseasti misiunea di tora a FMI. Aţeali dauă nomuri adoptate di deputaţ contradzâc flagrantu politica di austeritati ţi u lo tru acordul di împrumut cu FMI, Banca Mondială şi Comisia Europiană, acordu ţi easti tu dizvărteari. Delegaţia a FMI nica avu moeabeţ la Ministerul ali Economie, temele hiindalui mărli companii di stat şi misurile pi cari autorităţli lipseaşti ta s-li l’ia tra s-elimină dit cheardirli înreghistrati di aesti. FMI monitorizeadză companii dit dumeniile ali infrastructură rutieri şi a căl’iurlor di her, energia termică şi electrică şi extracţia di cărbune. Veara, Guvernul dimăndă că va s-facă diznău ună isapi ti bugetili a aiştor companii. Alternativili suntu limbidz, iara cumănduserli a întreprinderlor di stat au ta s-aleagă anamisa di tăl’ieri la tin’iili di cafi mes şi concedieri. Tu ţi mutreaşti sectoarele bugetare, FMI numata adusi aminti ananghea ti năi disponibilizări ică n’icşurări la tin’iili di cafi mes, după aţea di 25 di protenti valabilă tu aestu chiro. Cundil’iarea fu faptă, la Radio România, di reprezentantul a văsiliil’ei la FMI, Mihai Tănăsescu. El cutugursi, pi di altă parti, pripunirea di crişteari a tin’iil’ei di cafi mes nai cama n’ică ţi vini di partea a Guvernului. Ia ţi spusi Mihai Tănăsescu: „Minduescu că unâ crişteari a tin’iil’ei di cafi mes tu segmentul bugetar, cari ună turlie cadealihea va s-aducă şi unâ crişteari a tin’iil’ei di cafi mes nai cama n’ică tu sectorlu privat, va s-ducă la ună scădeari di compititivitati ali economie şi a produsilor româneşti la export, va s-ducă vahi, la eliminarea a niscăntor locuri di lucru şi la ună apridunari dit partea a sectorlui privat ti aţea ţi mutreaşti dizvoltarea. Dimi, lipseaşti s-fătem ghini isapea cându lom ună apofasi di aestă turlie, să-l’i videm nu maş lucărli buni , ama şi ateali niobuni ma s-hibă zborlu”. Textul: Ştefan Stoica Armâneaşti: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International