Radio Romania International

Arhiva :

Parlament versus Guvern (21.10.2010)
(2010-10-21)
Atea dit soni aspuneari: 2010-10-27 15:21 EET Print
Observatorl’i a banăl’ei parlamentari româneşti pot să spună, fără s-hibă di primansus spusa, că iţido lucru poati să s-facă tu leghislativlu di Bucureşti. După aţea dit soni votari fără cvorum a nomurlor mutrindalui reforma a sistemlui di pensii, lucru pi cari Opoziţia lu-aduţi tu zona a penalui, deputaţl’ii dit ţercl’iul guvernamental s-năstricură el’i işiş, n’iercuri, şi tricură sinurli a cidiil’ei. Aestă ti furn’ia că votară, aşi cum s-veadi dit declaraţiili a lor işiş dit un alathus tehnic leghislativ, dauă nomuri cu cari nu erau simfun’i ş-cari yin di s-agudescu cu politiţli di sirţâl’ie a Guvernului işiş. Parlamentarl’ii PDL votară, minduindalui câ nu aproachi, scădearea a TVA tră produsili alimentari di thimel’iu di la 24% la 5%, - ună ma veacl’e pripuniri a PC, di opoziţie – ama şi nipâltearea di impoziti a pensiilor sum 2000 di lei (aproapea 460 de euro). Liderlu a democrat-liberalilor dit Camera Deputaţilor, Mircea Toader, arucă alathuslu ţi s-feaţi pi ixichea di comunicari şi âl’i afireasti soţl’i, exighisindalui că fură aputrusiţ di un mari numir di proiecti leghislativi cari ş-aştipta votlu. Alathusi ică isapi electorală cinicâ - aşi cum alasă să s-akicăsească di la Opoziţie, căndăsită că alepţal’i a PDL ştea multu ghini ţi voteadză – apruchearea a aţilor dauă proiecti leghislativi yinu tu un chiro multu pseftu. Bucureşti easti vinitâ unâ delegaţie a FMI cari faţi isapi turlia tru cari Guvernul tin’iseaşti programlu economic ţi ari scupolu să u facă isa ziya tu buget, acăţatâ ca borgi tu achicăsearea di mpărmut ţi easti tu dizvărteari. Fondul zburaşti cu autorităţli şi căbilea a unlui nău acordu di altă turlie, prit cari România poati ta s-mpărmutâ maş cara catandisea va-lu caftă aestu lucru, ama cari ari rolu ta să u ţană tu idyea scară pistusinea a văsiliil’ei pi păzărli financiari externi. Vinitu cu delegaţia a Fondului, reprezentantul ali Românie la FMI, Mihai Tănăsescu, declară că easti multu ayon’ia ta să s-facă isapi ti zn’iili a meatrilor ţi s-loară prit nom n’iercuroi, cu alathusi. U feaţi ama zu spunearea ti postul a nostru, analistul economic Ionel Dancă: „Cara aesti nomuri va s-hibă băgati, naima pţâan tru plan ună ş-ună, vrea s-aducă unâ mari zn’ie la buget. Zburăm prota ş-prota di, TVA la măcari, ună di liniile pi cari bugetlu di stat s-ntimil’iadză, ună dit aţeali nai ma vărtoasi. S-nu agărşim că dit TVA, practic, guvernul l’ia nai ma multu tu aestă oară, iara măcărli angreacă nai cama multu dit aestâ TVA. Niimpozitarea a pensiilor sum 2.000 di lei zn’iipseaşti tutunăoară, nai cama marea parti a pensiilor ţi suntu ti pălteari, ti furn’ia că sum 2.000 di ron suntu aproapea 80-90% dit pensii”. Ici nu easti, nica, apufusit păn di mardzină, ma pţân, vahi, a credibilitatil’ei a Parlamentului di tora. Prezidentul easti axizit să u ascapă catastisea prit nivrearea tra s-li promulgă aţeali dauă nomuri. Textul: Ştefan Stoica Armâneaşti: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International