Radio Romania International

Arhiva :

Di la FMI la salarizarea unică (20.10.2010)
(2010-10-20)
Atea dit soni aspuneari: 2010-11-12 11:39 EET Print
Ună delegaţie a Fondului Monetar Internaţional easti vinită tu ună nauă misiuni Bucureşti, ta s-facă isapea ti achicasearea ţi easti tu dizvărteari şi s-ahurhească moeabeţli cu autorităţli români mutrindalui simanrea a unăl’ei nauă achicăseari. Reprezentantul ali Românie la FMI, Mihai Tănăsescu, declară că yinitorlu acordu nu va s-hibă un di împărmut ti paltearea a tin’iilor di cafi mes, că ună linie di mpărmut cari s-hibă ufilisită maş tu catastisi di ananghi. Tănăsescu exighisi că un nău acordu nsimneadză orlea zorlea împărmuturi financiari, că duţearea ma largu a niscăntor reformi tu parteneriat cu FMI şi Comisia Europeană, ahtari turlie că România s-amintă diznău pistusinea a investitorlor şi s-poată s-mparmută păradzl’i di cari ari ananghi la tocuri tut ma n’iţ di pi păzarea financiară internă şi externă. Ună ahtari achicăseari easti andrupătă ş-di prezidentul Traian Băsescu. caplu a misiunil’ei a FMI tu România, Jeffrey Franks, declară că năulu acordu va s-hibă naima probabil un di turlia precautionary, însimnândalui că Fondul Monetar va s-da dupu cafi isapi ţiva păradz, cari nu mata va s-intră tu contul a Băncăl’ei Naţională ali Românie ică la bugetlu di stat ca până tora. Paradzl’i va s-armănă Washington şi va s-hibă disponibili ti catastisi nipruvidzuti. Ufiţial’i di Bucureşti spun că ş-tin’isiră tu naima marea parti borgili acătati tu isapea a achicăserlor cu instituţiili financiari internaţionali. Autorităţli române şi FMI s-achicăsiră ti erstan cu ună ţintă di ixichi di 6,8% dit PIB, maş că, aşi cum spun ufiţial’ii a Fondului, niscănti posibili meatri va s-ambudyiusească aestu scupo. Easti zborlu ti criştearea a tin’iil’ei di cafi mes di criştearea a tin’iil’ei di cafi mes nai cama n’ică, darea stimulenti financiari şi n’icşurarea a cotăl’ei unică. Guvernul roman va s-păzărăpsească cu reprezentanţăl’ii a FMI criştearea a tin’iil’ei di cafi mes pi economie niheamă pisti 700 di lei, scăderea a cotăl’ei unică di impozitari di 16% la 12% şi n’icsurarea a contribuţiilor pi tin’ia di cafi mes di la 44% la 41%. Misiunea a FMI zburaşti cu autorităţli române, ntră altili, coordonatili a bugetlui pi 2011, ti cari va s-hibă apufusiti şi nivelurli a taxilor şi impozitilor. FMI dimăndă că nu aduţi tu moeabeti ună eventuală alăxeari ti nivelu a TVA, cari va s-arămână, vahi, la 24%. Moeabeţ va s-facă ş-ti Nomlu a pensiilor, cari fu pitricută năpoi la Parlamentu di cătră prezidentu. Pi di altă parti, Camera a Deputaţlor votă un proiectu di nom cari alăxeasti cabaia turlia ti tin’iili di cafi mes a lucrătorlor di la ministerlu di Finanţi, cum şi a alti categorii di bugetari. România lo pănă tora, aproapea 15 miliardi di euro di la FMI, CE şi Banca Mondială, dit pacheta tut cu tut di 20 miliardi, pruvidzut tu achicăsearea di tora. Textul: Daniela Stefanescu Armâneaşti: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International