|
|
| Ma mărli hăbări dit media (10/13/2010) |
| (2010-10-13) |
| Atea dit soni aspuneari: 2010-10-27 15:21 EET |
“Calea ali Românie câtâ Occidentu, ama ş-câtâ Rusia, treaţi prit Berlin”, nyrăpseaşti ROMÂNIA LIBERĂ, ţi ahărdzeaşti un loc lăryuriu ti articolu ligat di vizita ţi u feati Bucureşti canţelarlu ali Germanie, Angela Merkel. Jurnalu aduţi aminti că “tu aţel’i 20 an’i cari tricură di la reunificari, liderl’ii politiţ germani nu para să spusiră filotin’i cu vizitili Bucureşti şi u feaţiră maş după ţi aderarea ali României la NATO şi UE agiumsi un lucru cadealihea”. Cu tuti aesti, România nu fu niacăţată tu mengă di Berlin, nica nyrăpseasti publicaţia, aducăndalui aminti că “tu chirolu di priaderari Germania deadi asistenţă ali Românie după scutearea a vizilor di pi lucru prit fostul ministru di Interne, Otto Schily”. Deapoa agiutorlu s-duţi ma largu. Izvuri diplomatiţi aleapti di ROMÂNIA LIBERĂ luyursea că “Germania easti goala puteari europeană cari poatii s-dişcl’idă calea ali Românie ti un dialog ma vărtos şi ună ligătură ma bună cu Rusia”. “Canţelarlu vini cu un mesaj multu limbid ti vrearea a Berlinlui tra s-agiută Bucureştiul ta ş-bagă tu lucru potenţialu işiş pi plan european – cara România va ş-ndreagă tin’isitu cărţâli, Germania va s-hibă aclo ta să-u agiută”, cundil’eadzâ ROMÂNIA LIBERĂ dupu declaraţiili ţi li feaţi Merkel tu chirolu a andamusilor cu prezidentul Băsescu ş-cu premierlu Emil Boc. Jurnalu luyurseaşti că “aduţearea aminti a unâl’ei ligâturâ limbidâ anamisa di unâ Justiţie tin’isitâ şi transparentă şi prezenţa economică germană tu România easti unâ câliseari faptâ a guvernului român ta s-ndreagâ problemi cari, di la aderarea dit 2007, ma multu s-asparsi andicra di ta s-ndreagâ”. “Canţelarlu adusi aminti vrearea ali Germanie ta s-agiută România s-ducă ma largu reformili tu justiţie şi ti alumta contra ali aruşfeti, tra s-andrupască apofasili anticriză a Guvernului di Bucureşti – apofasi ti cari spusi că suntu anamisa di nai ma sertili dit Europa - şi tra s-da silă a ligăturlor comerciale anamisa di aţeali dauă stati”, nyrăpseaşti JURNALUL NAŢIONAL. Ufiţialu german spusi că investitorl’ii suntu cu mintea ti turlia tru cari s-da contractili publiţi şi adusi aminti că “justiţia, transparenţa sunt importanti”. JURNALUL NAŢIONAL aduţi aminti ş-că s-achicăsi că statlu român lipseaşti ta ş-păltească borgili tu valoari di 143 di miliun’i di euro andicra di firmili germani. “Securitatea a sinurlor ali UE nu lipseaşti s-hibă băgată tu piricl’iu di corupţie” feaţi timbihi, di altă parte, Angela Merkel, aleaptă di jurnalu ADEVĂRUL, zburăndalui ti aderarea ali Românie la spaţiul Schengen, pruvidzută ti meslu marţu a anlui yinitor. “Di thimel’iu easti ta s-him sigura că darea a vizilor la sinurli externi ali UE s-da fără corupţie şi ilegalităţ” cundil’e canţelarlu. Vizita al Merkel s-faţi tu chirolu tu cari ligăturli diplomatiţi anamisa di România şi Germania umplu 130 di an’i.
Textul: Corina Cristea
Armâneăsti: Taşcu Lala
|
|
| |
WMA |
|
64kbps : |
1
2
3
|
|
|
128kbps : |
1
2
3
|
| |
MP3 |
|
|
64kbps : |
1
2
3
|
|
|
128kbps : |
1
2
3
|
| |
AAC+ |
|
|
48kbps : |
1
2
3
|
|
|
64kbps : |
1
2
3
|
 Mascota istorica a
RRI |
2025-04-06
Print
Puteţ s-avdzâţ căndţido