|
|
| Criza si mparmuturli -11.10.2010 |
| (2010-10-11) |
| Atea dit soni aspuneari: 2010-10-27 15:21 EET |
 Criza economica cafta ti România apofasi ti nu s-au loata pana tora. N'icsurarea a hargilor bugetare cari agudira, prota s-prota, tin'iili di cafi mes a lucratorlor di la stat easti mas una di aesti apofasi, sertu cutuyursita di sindicati prit minari di protestu. Easti limbid ca Executivlu cilastiseasti, pi tuti cal'iurli, s-cu iti piricl'iu, s-aminta paradz ta s-tana cheptu a zoril'ei sutiali ti easti tu mplina creastiri. Dupa imparmutlu istoric di aproapea 20 di miliardi di euro di la FMI, UE s-di la alti organismi internationali prit cari România apraftasi ta s-n'icsureadza cu mari gaeret, protili efecti a crizal'ei, sa zburasti tora ti un nau împarmut di la FMI. Un împarmut ma n'ic di atel ti va sa s-bitiseasca, ama orlea zorlea ananghisit ti credibilizarea ali Românie pi pazarea financiara internationala. Analistil'i spun ca Bucurestiul nu poati s-aduca crediti pi lungu chiro di furn'ia a dezechilibrilor dit economie. Tu aesti conditii, ea ari ananghi, cama multu, di un acordu-garantie cari s-candaseasca pazarea financiara internationala ca România va li duca ninti reformili structurali ti au scupolu ta s-n'icsureadza impactul a consumlui dit bugetlu di stat tu raportu cu investitiili. Habarea mutrindalui naulu acordu cu FMI fu fapta di Traian Basescu. Caplu a statlui, declara, tu yismaciuni, ca, meslu aestu, va sa s-tana, Bucuresti, consultari preliminari cu reprezentantal'i a Fondului. Declaratiili a prezidentului nu fura aprucheati cu haraua di guvernatorlu a BNR, Mugur Isarescu, atel cari spunea ca România numata ari ananghi, di un nau acordu cu FMI, ama s-di una parti a politicien'ilor dit opozitia parlamentara. Anamisa di Scylla si Carybda, guvernul a premierlui Emil Boc acata calea spusa di prezidentu: un nau acordu, "di precautie", cu FMI, a curi fonduri s-hiba accesati, anlu yinitor, mas tu caz extrem. Reprezentantul ali Românie la FMI, Mihai Tanasescu, easti cu minduita ca nica un acordu, pi 24 di mesi, va s-hiba duri ti anvartusearea a unlui purtatic di mindueari ti Bucuresti, dupa cari statlu s-hiba irbapi ta si spuna axia isisi di bagari tu lucru. El li contradzasi niscanti isachi ti spun ca România va s-aiba, estan, naima slaba performanta economica dit Europa. Tu arada a lui, ministurlu român di Finante, Gheorghe Ialomitianu, declara ca Guvernul nu va s-l'ia, tu chirolu ti yini, nai meatri di sirtal'e. Rationalizarea a hargilor, anvartusearea fiscala si stimularea a mediului privat va s-armana, ama, pi lista a obiectivilor spusi di FMI tu arada a gaeretlor di ndridzeari a crizal'ei economica si financiara interna, s-ti normalizarea a catandisil'ei tu România.
Textul: Valentin Tigău
Armâneasti: Tascu Lala
|
|
| |
WMA |
|
64kbps : |
1
2
3
|
|
|
128kbps : |
1
2
3
|
| |
MP3 |
|
|
64kbps : |
1
2
3
|
|
|
128kbps : |
1
2
3
|
| |
AAC+ |
|
|
48kbps : |
1
2
3
|
|
|
64kbps : |
1
2
3
|
 Mascota istorica a
RRI |
2025-04-06
Print
Puteţ s-avdzâţ căndţido