Radio Romania International

Arhiva :

Român’i ti Parlamentul European
(2007-10-16)
Atea dit soni aspuneari: 2007-10-16 16:12 EET Print
25 di brumaru 2007 va s-armânâ tu istoria ali României ca data a protilor alidzeri ti leghislativlu european. Pruvidzutu prota ti meslu maiu, euroscrutinlu fu amânatu pi fondul disensiun’ilor di pi sţena politicâ di Bucureşti. Tora, ama, partidili suntu ândreapti s-amintâ unu numir câtu ma mari di mandati di aţeali 35 cari âl’iş-cadu ali Românie tu forul european. Ş-li apufusirâ listili di candidaţ şişi-ndregu cu angâtanu campaniili electorali, cari va s-ânchiseascâ pisti ândauâ dzâli. Mandatlu easti, ama, unu di maş un anu şi giumitati, câţe tu meslu cirişaru 2009 va sâ s-facâ alidzeri tu ântreaga Uniuni Europeanâ, dimi ş-tu Românie. Unâ campanii di informari ş-mobilizari la votu fu ânchisitâ tş-cu aestu scupo vini Bucuresti işişi prezidentul a Parlamentului European, Hans-Gert Pöttering. “Himu tuţ parti ali Uniunii Europeanâ, himu uniţ ş-tu idyiul chiro cafi unâ di aţeali 27 di vâsilii membri ari importanţa a l’ei, tin’iia a l’ei. Prindi s- colaborăm cu tuţ, nu maş vâsiliili anamisa di eali, câ ş-cu instituţiili europeni ş-maxusu cu Parlamentul European. Tu aţea ţi mutreaşti alidzerli ditu Românie, mesajlu a meu easti aţelu câ nu maş membril’i actual’i a Parlamentului European lipseaşti sâ s-implicâ tu campania electoralâ, câ tuţ politicien’il’i, tuţ isa, aţel’i pi nivel naţional, aţel’i pi nivel local şi, sigura, membril’i a Parlamentului European”- dzâsi Hans-Gert Pöttering, tu un interviu ti Radio Romania. Pöttering âl’i acl’imă pi român’i sâ s-ducâ la vot câţe, sumcundil’ie elu, easti multu important sâ-şi pitreacâ tu Parlamentul European reprezentanţâl’i ţi âl’i voru. Ti cari suntu ma importanti alidzerli, ti politicien’i ş-imaghinea a loru dinintea a aligâtorlor icâ ti român’il’i işişi? Hans-Gert Pöttering: “Tutu easti importantu, ş-român’il’i suntu nai ma importanţâ, câţe cetăţen’il’i reprezintâ aţeali personalităţi cari u ândregu apt Europa. Europa easti construitâ di cetăţeni, ş-fârâ cetăţen’i nu putemu s-avemu nici unâ dezvoltari. Pistipsescu câ easti multu importantu ca nu maş cetăţen’il’i, câ ş-presa, tutâ lumea cari poartâ responsabilităţ tu societati s-da a popului mesajlu câ easti importantu sâ s-ducâ la votu, câţe România avu 50 di an’i di comunismu, cându nu exista un ândreptu di vot tu unu proţes democratic alithea, ş-tora existâ şansa extraordinară s-voteadzâ nu maş pi nivel naţional, s- voteadzâ tu parlamentul naţional, aestâ oarâ, exiseadzâ posibilitatea s- voteadzâ ti reprezentanţâl’i ali Românie tu Parlamentul European”. Autor: Corina Cristea Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International