Radio Romania International

Arhiva :

DNA, bagâ stepsu şi âl’i si bagâ stepsu
(2007-10-08)
Atea dit soni aspuneari: 2007-10-08 15:45 EET Print
Diparti s-hibâ unâ mizâ exclusiv juridicâ, alumta contra a măril’ei aruşfeti ânchisi tu Romanii un mari polimu mediaticu şi politic. Aparentu echidistantâ politicu, Direcţia Naţionalâ Anticorupţii bâgă sumu lupâ membri a ma multor guverni post-comunisti, fârâ s-mutreascâ la buiaua a loru politicâ. Miniştril’i tu exerciţiu Paul Păcuraru ş-Tudor Chiuariu, doil’i liberal’i, aţelu di ma ninti premier social-democrat Adrian Năstase şi coleglu a lui di partid ş-Cabinet Miron Mitrea, udemeristul Zsolt Nagy, conservatorlu Codruţ Sereş si ex-pedistul Victor Babiuc suntu tuţ, titularl’i a nâscântor dosari ti loari di mitâ, traficu di influenţâ, abuz la lucru etc. Pelerinajlu a VIP-urilor la sediul DNA nu faţi, pi di unâ parti, altâ câ s-u confirmâ putrigamea a clasâl’ei politicâ. Pi di altâ, parti ama, idyea ca tu economie, inflaţia aduţi devalorizări şi poati s-ascadâ tutâ retorica şi ghesticulaţia a procurorlor. Câţe, pânâ tora, ofensiva DNA nu adusi niţi rechizitorii explozivi, niţi cu proţesi cu mari vreavâ, niţi condamnări a oamin’iloru mări. Pi ninga aestâ aţel’i ântribaţ icâ colegan’il’i a loru di partid bagâ stepsu a DNA câ nu faţi altâ câ maş ascultâ cumandul politicu a prezidentului Traian Băsescu. El’i invocâ sumreprezentarea PD (pro-prezidenţial) pi lista a oamin’ilor psefţâ ţi l’ia aruşfeti, tu contrastu cu suprareprezentarea a adversarlor alu Băsescu. Aţelu ditu soni pi listâ - ministrul di ma ninti criştin-democrat ali Agriculturii tu an’il’i 96 - 2000, Ioan Avram Mureşan.Cu heari la mân’i, elu tricu ma multi sihăţ tu arestu, sum acuzaţia că agiută unu embur s-da aruşeti a unui demnitar, ta sâ-li agiutâ firmili la licitaţii publiţî. Sursi judiciari, a curi zboarâ suntu tipusiti tu presâ, dzâcu câ demnitarul easti ministrul di tora ali Agriculturâ, liberalu Decebal Traian Remeş. Dupâ unâ reţetâ ţi s-vidzu ş-ma ninti câ easti bunâ, liderlu PNŢCD (tora extra-parlamentar), Marian Miluţ, lu prezentă pi Mureşan ca unâ victimâ a vendettâl’ei alu Băsescu: “Pistipsescu că tuti aţeali ţi s-feaţirâ anvârliga di Ioan Avram Mureşan suntu unu abuz limbidu ali justiţie românâ. Turlia aestâ di praxi abuzivâ andicra di unu cetăţean cari nu reprezenta niţi unâ turlie di piricl’iu şi factul câ nu fudzi ditu România tuţ aeşti şapti an’i di cându nu mata easti ministru spuni câ nica himu diparti di unâ democraţie şi di un statu europeanu. Ş-aţea că tuti aesti lucri s-facu la unâ sâptâmânâ di la contramanifestaţia pi cari u organizâ PNŢCD tu Piaţa Universităţii, ş-lu nchidică pi Traian Băsescu să-şi facă, ăsi cumu ari adetea, programlu electoral, pistipsescu câ tuti aesti lucri legati nâ spunu, tu situaţia di faţă, că easti zborlu di unâ intervenţie politică.” Autor: Bogdan Matei Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International