Radio Romania International

Arhiva :

MEDIA TOP
(2007-04-13)
Atea dit soni aspuneari: 2007-04-13 11:34 EET Print
“Traian Basescu demisioneazâ ma s-hibâ suspendat” – da hâbari, cu yrami mări, pi prota frândzâ, jurnalu COTIDIANUL, a curi prezidentul ali Românii âl’i deadi un interviu tu exclusivitati. Bâgatu cu pâltărli alichiti di mur di un Parlamentu carie, stâmâna ţi yini, s-poati s-u voteazâ suspendarea a lui ş- di un Guvernu dit cari ficiuriţl’i a lui di suflitu, miniştril’i PD, câtu furâ avinaţ, prezidentul easti cândâsit câ “ maş demisia a mea poatio s-nâ aducâ tuţ diznou dinintea a electoratului.” Jurnalu ROMANIA LIBERA tipuseaşti zboarăli a profesorlui Ioan Stanomir, expert tu dreptu constituţional, cari dzâsi câ demisia easti “unâ reacţii politicâ la un ghestu politic a Leghislativului”. Idyiul jurnalu aduţi aminti câ “organizarea di alidzeri prezidenţiali ninti di chiro prindi s-hibâ adratâ tu chiro di trei meşi.” Tu termen’i pughilistiţ, uidusiti ti un insu cu temperamentu conflictual ş-cu anami zurgbagi, campionlu ş-bagâ bârnul stihimâ ş-ari şansi mări s-lu amintâ iara. CURENTUL easti sigur: “ma s-facâ alidzeri prezidenţiali anticipati, va s-amintâ un nou mandat di ţinţi an’i”, ţicara câ-l’i cheari aţel’i doi an’i şi giumitati cari l’iarmasirâ dit mandatlu di tora. Formula ţi u va multu, “turnarea la popul” poati s-lu bitiseascâ aestu polimu di gherilâ anamisa di Băsescu ş-alantâ parti ali clasâ politicâ. Sondajili scotu tu migdani câ, nu dip vindicati di paternalismu ş-tin’isinda unâ turlie mistic Prezidenţia, niţi român’il’i ţi nu-lu voru nu suntu sinfun’i cu suspendarea al Băsescu. Pi ninga aestâ elu acatâ protlu locu tu tuti topurli a pistil’ei tu personajili politiţi, iara PD-ulu tu naieţli di votu ti leghislativi icâ euro-parlamentari. GANDUL veadi câ “PD nu fudzi tu opoziţii cu mana goalâ: lu l’ia ş- pi Traian Băsescu cu elu”. Un lucru cari “lâ aruşi niheamâ faţili a pediştilor, ţi s-avea sufrusitâ di cându intrarâ tu lumea a guvernilor dit aumbrâ.” Visceral antibăsescianâ, ZIUA dzâţi ama câ maş “un PD fârâ Traian Băsescu va s-agiungâ unâ formaţiuni cu cari alanti partidi va s-poatâ s-dialogheazâ şi colaboreadzâ.” Di alantâ parti ali baricadâ, EVENIMENTUL ZILEI pistipseaşti câ, “cum ţi s-hibâ s-aleagâ s-da apandasi la fuvirsearea alu Traian Băsescu, coaliţia antiprezidentialâ chiari.” Prota ş-prota, la capitolu imaghini, câţe “interimatlu va lu asiguripseascâ prezidentul a Senatlui, Nicolae Văcaroiu”, şef a guvernului di stânga tu an’il’i 1992 -’96 ş-unu di aţel’i cu cari s-pizuiaşti nai ma multu sâptâmânalu satiric ACADEMIA CAŢAVENCU. Dapoia, politic, câţe, simultan cu prezidenţialili, Băsescu poati s-bagâ zori ti referendumlu ti triţearea la votlu uninominal la leghislativi, ş-aestu poati s-hibâ unâ alithea hecatombâ ti actual’i parlamentari adunaţ cu lista. Autor: Bogdan Matei Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International