| REZULTATILI A MISIUNILEI A F.M.I. TU ROMÂNIE |
| (2007-10-03) |
| Atea dit soni aspuneari: 2007-10-03 15:48 EET |
Specialiști a Fondului Monetar Internațional au analizatâ, București, evoluțiili macroicunomiți ditu Românii și dzâsirâ câ pi chiro di mesi ș-lungu, moneda națională, leulu, va s-creascâ andicra di valutili xeani, ași cumu s-fați ș-tu alti vâsilii emerghenti. Tu idyiul chiro, preconizata evoluțalâxeari, criștearea a tiniilor di cafi mesu, ama ș-criza financiară internaționalã suntu printipalili piricluri ligati di inflație. Șeflu a Misiunilei FMI ti România ș-Vâryâria, Albert Jaeger. :Politica fiscalã și bugetlu pi 2008 furâ tu chentrul a discutiilor anamisa di FMI ș- autoritãtli românâ. Dauã lucri importanti s-alâxirâ di la consultãrli di ma ninti, purtati tu meslu mai. Conjunctura internationalã s-alâxi, iar proiectia a xichilei di contu curent, dimi diafuraua anamisa di valuta cari intrã tu vâsilie și atea cari iasi easti ma mari di ațea di la ahurhita a anlui. Proiecția di tora a Fondului easti unâ xichi di 14% ditun PIB ti bitisita a aiștui an. Fondul dzâți câ politica salarială, cursul di alâxeari și pâhadzili la mâcari suntu prințipali factori cari influențeazâ inflația anlu aestu. FMI luyurseaști unâ crișteari icunomicâ tu 2007 di 6%. Aestã crișteari moderatã s-fati câțe di itia a xerilei România avu estan unâ producție agricolâ ma nicâ. Fu dânâsitu proțeslu di dezinflație cari, până tu meslu alunaru, fu ndrupatu di aprecierea (criștearea) a leului, di amânarea crestearilei a pâhadzlor la energhie și combustibili, cumu ș-di nivelu scâdzutu a pâhadloru tu agriculturã. Tu aTu tea ți mutreaști ziga di plăț ali Românie, xichea aiștei , dimi a contului curentu, ți eara mari ș-ma nintui, tutu creaști, iara crișterli salariali furâ ma mări di criștearea a productivitatilei a lucrului. Politica monetară s-alumtâ ș-ea cu provocãri. Pânâ tora ayonia, inflatia scâdzu, iara Banca Naționalâ ali Românie lu scâdzu toclu. Tu meslu augustu, ama, inflația criscu di napandica, pi fondul a xerilei. Nica nu sâ știe cumu va s-evolueazâ inflația. Aestu lucru nu easti ligatu maș di politica monetară, câ și di ațea fiscală și salarialâ. Âni pari uidusitu ca BNR s-așteaptã s-veadâ ti s-fați'. Productul Internu Brut ali Românie va s-creascâ cu 6% tu 2007,tutu ași ș-tu 2008. Pi ninga aestâ, mediul politic ândilicatu ali Românie nu agiutã la elaborarea nâscântor strateghii icunomiti pi chiro di mesi di cari statlu ari ananghi. UE ari unâ perspectivã financiarã pi șapti ani, ș-România ari ananghi di planificari ti ufilisearea a oportunitãțlor. S-aduțemu aminti ș-câ prezența a reprezentanțâlor FMI Bucuresti fați parti ditu unu programu di consultãri periodiți ș-câ, di ma multu di unu anu, România nu mata ari niți unâ acâchiseari cu Fondul, recomandărli a lui avândalui maș un caractir consultativ.
Autor: Mihai Rădulescu
Armânipsearea: Irina Paris
|
2025-04-03
Print
Puteț s-avdzâț căndțido