Radio Romania International

Arhiva :

Festivalul ‘George Enescu’, tu bitisitâ
(2007-09-24)
Atea dit soni aspuneari: 2007-09-24 12:35 EET Print
18-a ediţii a Festivalului şi Concursului Internaţional "Georgi Enescu" dizvârtitu chiro di 23 di dzâli Bucureşti şi tu alţâ câsâbadz dit Românie s-bitisi . Conţertul di încl’ideari lu ţânu dumânicâ, Orchestra Simfonică ali Filarmonicâ di München, sum bagheta a dirijorlui român Ion Marin, Corlu ali Filarmonicâ bucureşteanâ, Corlu Naţional di Cameră „Madrigal”, şi Corlu di Ficiutiţ Radio. Ministrul român ali culturâ şi cultilor Adrian Iorgulescu dzâţea câ aestâ fu unâ di nai ma bunili ediţii ditu 1958 şi pânâ tora: “Pistipsescu câ suntu ândauâ lucri ţi s-alegu cari u marcheazâ aestâ ediţie. Prota s-prota factul câ festivalu s-dizvârti tu unâ ambianţâ sonorâ uidusitâ. Escu hârios, tutnâoarâ, câ furâ mulţâ tiniri prezenţâ em pi sţena a festivallui şi maxusu prezenţâ tu concursu.” Muzica româneascâ fu prezentâ tu unâ proporţie multu importantâ şi easti unu altu amintatic ţi lu contabilizez la activlu aiştei ediţie. Chiro di trei stâmân’i mări orchestri a lumiljei, London Symphony Orchestra, Orchestra Naţionala Rusă, Orchestre di Paris, Filarmonica di Oslo, Orchestra Filarmonicâ di Munchen, Orchestra Naţtionalâ Radio şi Corlu ali Filarmonicâ "George Enescu" di Bucureşti lâ umplurâ suflitli di harauâ a aţilor ţi au mirachi ti ahtări lucri. Muzica româneascâ fu prezentâ tu Festival pritu reţitalurli şi conţertili ţânuti di muzicien’i axiţ român’i şi xen’i. Tu chirolu a Festilvallui s-feaţirâ ş-manifestări adiacenti – expoziţii di pictură, simpozioani di muzicologhie, proiecţii di filmi. Concursul, cari avu trei secţiun’i, înreghistrată şi nâscânti recorduri, em la numirlu di participanţâ, pisti 200 ditu 36 di vâsilii, cumu şi la valoarea a ândridzerlor. Premiul ti compoziţii fu datu a chinezului Hu Xiao-ou, aţelu di la avyiulie lu amintă Annei Tifu (Italia), ş-la pian, lu lo Eduard Kunz (Rusia). Viniri seara, aproapea di bitisita a Festivallui avdzâta companie di Balet „Béjart” adusi nintea a spectatorlor român’i „L’amour – la danse”, unu colaj multu muşatu di nai ma bunili creaţii a coregraflui francez. La aestâ 18- a ediţie a Festivallui şi Concursului Internaţional „Georgi Enescu” s-feaţi ş-unu concursu di atribuiri ali avyiulie Stradivarius – Elder – Voicu, amintatu di Alexandru Tomescu, cari va s-şuirâ pi aestu axitu instrument tu yinitorl’i 5 an’i. Opera Naţională Română a prezentă – „Carmen” di Bizet cu marli tenor José Cura şi avdzâta mezzosopranâ Hadar Halevy tu rolurli principali. Tutu ahântu muşati furâ şi „Nopţâli albi di la Atheneulu Român” di Bucureşti iu s-tânurâ conţerti di mari muşuteaţâ: ansamblu „Hespérion XXI” dirijat di Jordi Savall, „Europa Galante” şi Fabio Biondi, „Münchener Bachsolisten” şi Gerd Schaller, „Freiburger Barok Orchester”. Tu seara ditu soni, pi sţena ditu Piaţa a Festivallui s-alinarâ pi sţenâ fârşitoţl’i ditu hoara Cogealac, invitaţ a avdzâtului interpret di muzicâ folcloricâ veacl’ie, Grigore Lese, conţertu ţi fu datu pi yiu la Canalu TV România Cultural. Armanipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International