Radio Romania International

Arhiva :

Concluziili a unui raportu pi temi transatlantiţî
(2007-09-18)
Atea dit soni aspuneari: 2007-09-18 12:41 EET Print
Luyursitu unâ di nai mai ambiţioasili cercetări sociologhiţi internationali, cunuscutlu sondaj anual ţi-l faţi German Marshall Fund mutrinda tendinţili transatlantiţi scoasi tu migdani tu 2007, unâ acutizari a lâhtaril’ei andicra di fuvirseri. Chestionarlu fu bâgatu tu Statili Uniti şi tu 12 di vâsilii europeani, em tu Occidentu, em tu Estul ex-comunistu, anamisa di cari, tu premierâ, a fu tricutâ ş- România. Ti amirican’i, nai ma mărli fuvirseri suntu dependenţa energhetică, scâdearea icunomicâ, terorismul internaţional şi fundamentalismul islamic. Europen’il’i s-duchescu fuvirsiţ di imigraţie, âgăldzarea globalâ, dependenţa energhetică şi maş dapoia di terorismu. Ti ânchidicare aiştui, europen’il’i au tu scupo criştearea a agiutoarilor financiari şi darea silâ ali emburlâchi cu vâsiliili cari lu ghenereazâ. Maş 33% di el’i aprobă pitriţearea di ascheri tu operaţiun’il’i contra a taliban’ilor afgani, andicra di unâ ndrupari di 68 di proţenti di partea a amirican’ilor. Ti profesorlu Sorin Ioniţă, director di cercetari ali Societati Academicâ ditu Românie, aesti rezultati confirmâ unâ veacl’ie catandisi di pi aţeali dauâ mealuri a Atlanticlui (TRACK): “Chestiunea nai ma evidentă şi cari yini din an’il’i tricuţ easti că, atunţea cându iasi tu migdani unâ fuvirseari internaţionalâ, europen’il’i voru s-u ndreagâ pritu investiri di resursie, dimi ca cum vrei s-u ancupâri irinea, cu programi di dezvoltari, cu construcţia di şcol’i, ama amirican’l’i aproachi ma lişoru s-ufiliseascâ sila atunţea cându altuţiva nu s-ma poati. Nu easti unâ noutati absolută anlu aestu, ama si confirmâ.” Român’il’i au ş-el’i, tu aradha a loru, mari parti di lâhtărl’i a alântoru respondenţâ. Di altâ parti, nica simpatizeazâ cu Statili Unite, idyea cu alţâ estu-european’i şi altâ turlie di publiclu ditu ascâpitatâ, cari nu va unâ dominaţie amiricanâ tu Europa. Relativ puţân’i di el’i au fricâ câ dipârtoslu şi exoticlu Iran va sâ ş-facâ armati nucleari. Ama, trân’ipsiţ di istorie, aproapea 60% suntu lâhtrâsiţ di comportamentul ali Rusie ca furnizor di energhie. Sorin Ionita va s-nâ spunâ câţe român’il’i minduiescu aşi: “Publiclu românescu easti un public atipic. Tuţ estu-european’il’i au ţiva ahoryea, câţe experienţili a noastri furâ ahoryea. Şi tu momentul cându întreghipi vârâ românu, ti fuvirsearea ţi vini di la Iranu, an’i si pari ca ţiva abstractu tu apandisea a lui. Tu momentul tu cari lu-ntreghi di dependenţa energhetică, la altuţiva minduiaşti, şi dimi la pâhălu a gazlui, cari easti unâ problemâ ţi-lu doari ma multu. Pistipsescu câ aestu easti mesajlu. Părearea plauzibilâ easti că tu România nu easti ici unâ surpriză să ti aştepţâ la ţi easti ma arău di partea ali Rusie.” Autor: Bogdan Matei Armânipsearea: Irina Paris

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International