| Unâ nauâ ahurhitâ di anu școlar |
| (2007-09-17) |
| Atea dit soni aspuneari: 2007-09-17 13:30 EET |
Ma multu di 3.400.000 di elevi s-toarnâ, luni, la scoală, după unâ vacantâ di trei meși, di cari 230.00 suntu ageamiț. Ti amârtie, cum bagâ oarâ un jurnal românescu, ahurhita a 18-lui anu di ânvețu tu democratii nu aduți multuaștiptata catandisi di normalitati. Cu maș ândauâ dzâli di ahurhearea a anlui scolar, ministrul ali Educatie feați unâ declarației ți ciudusi lumea: maș 60% di unitătli di învițâmintu au autorizatie sanitarâ di functionari. Aestâ spuneari amânatâ bâgâ pi lucru caruselu a bâgarileui stepsu. Ministrul dzâți câ easti protlu an cându furâ dati fondurli lipsiti ș-bagâ stepsu a autoritățlor locali că nu au dișclisâ licitatii, dînda ti exemplu capitala, iu, di ațeali vârâ 350 di miliuni di euro ți li da bugetlu furâ hârgiutiț maș 10%.
Di altâ parti, autoritătli locali și directorli di școli bagâ stepsu câ nomurli suntu multu mintiti. Tu bitisitâ, ministrul tâxi, ca amânatu, pâradz ti bitisearea a lucrărlor ți suntu contractati. Noulu an scolar, organizat pi dauâ semestri, ari 35 di stămâni si s-bitiseaști la 13 di cirișaru 2008. Unâ di noutătli a noului an scolar easti ibâgarea a tezilor cu subiectu unic, tu loclu a testilor nationali, ca metodă di aprucheari la liceu.
Elevli ditu clasa a VIII-a va s-da tezi cu subiectu unic la limba si literatura română, matematică si, ți va s-aleagâ gheografie icâ istorie. Elevli ți tânu di minoritătli nationali, cari feațirâ cursurli gimnaziali pi limba di dadâ, va s-aibâ unâ probâ la limba si literatura maternă. Maca nolu nomu a învitâmintului va s-treacâ di parlamentu, ficiurițli cari umplurâ sasi ani va sâ s-ducâ la scoală, ditu toamna a anlui 2008, tu grupa ti ândridzeari. Ti elevli ditu clasili I-IV nu va s-huibâ mări alâxeri. Eli va s-hibâ notati idyea ca pânâ tora cu calificativi, nu cu noti. Tutnâoarâ ș-programa scolară va s-armânâ tutu ași tufoasâ.
Autor: Corina Sabău
Armânipsearea: Irina Paris
|
2025-04-03
Print
Puteț s-avdzâț căndțido