Radio Romania International

Arhiva :

Energie ti Europa (15.09.2010)
(2010-09-15)
Atea dit soni aspuneari: 2010-09-16 13:19 EET Print
Prezidenţăl’i ali Romanie, a Azerbaidjanului, ali Georgie şi premierlu ali Ungarie simnară, Baku, declaraţia deadun di andrupari politică a proiectlui AGRI (Azerbaidjan, Georgia, Romania Interconnector) ţi mutrescu tranzitlu di gaze naturale dit zona ali Amari Caspică cătră Europa, anvărligănda Rusia. Şeflu a statlui roman, Traian Basescu, declară că tu trei an’i, Europa s-poati s-aibă hăiri di gaze naturale azere. Traian Basescu : “După evaluărili ti s-feaţiră până tora tu trei an’i s-poati s-avem gaze di Azerbaidjan tu Europa. Câţe spun aistă ? Prota şi[prota că, di puncut di videari ali fezabilitati , nu him tu ahurhită .. România ari un studiu di fezabilitate tu lucru , finanţat di Guvernlu a Statilor Unite prit Trade and Development Agency şi studiul mutreaşti terminalul di gaze lichefiate di Constanţa. Avem disponibilitatea a partenerilor americani ta s-tindem studiul şi ti terminalu di Georgia, şi asitu lucru n’icşureadză şi finanţarea şi chirolu ti andridzearea a studiului di fezabilitate”. Băsescu luyurseaşti că consideră că proiectlu AGRI easti nai ma competitivlu economic di alanti căl’iuri di transfer a gazului caspic cătră Europa, em că easti zborlu ti proiectul UE Nabucco, em di aţel rus Southstream. Nabucco, la care l’ia parti şi Romania, pruveadi transportul a gazlui dit Orientlu di Mesi Asia cătră UE şi ari tu scupo s-nicşureadză dependenţa a europen’lor di importurile di gazi dit Rusia. Southstream, pi di altă parti va transportă gaze dit Rusia cătră Europa prit Aarea Laie , anvărligănda Ucraina. Uidisit cu spusili al Basescu, AGRI acaţă trei etape di dezvoltari: “Una prota aradă, tu cari terminalu di Constanţa va s-deruleadză 10 miliarde di metri cubi cafi anu, daua, ţi adavgă 10, şi treia, ţi adavga alti 10 miliarde. Ti va să spuna easti unu proiect flexibil, a curi hărgi va s-hibă andreapti dupa cum va s-hibă ananghi pi păzarea ali Uniuni Europeană”. Tu arda a lui prezidentu azer, Ilham Aliev, dzăsi că proiectul va s-aibă succţes ti aţea că aduna vrearea politică a părţălor şi suntu resursele naturale anaghi şi căiurli di transport, cum şi consumatorl’i. Dupa părearea a lui reţeaua AGRI di transport a gazului natural va dişcl’idă ună nauă aradă tu lucru deadun regionalu tu dumenea energetică. Prezidentu azer cumdil’ie că estan Azerbaidjanul va scoată 28 di miliarde di metri cubi de gaze, iara văsălia ari ananghi di maş 10-11 miliarde. AGRI s-pari că easti ună cali susto di transfer a gazlui caspic cătră Europa . Ari ananghi maş di finanţare şi un studiu di fezabilitate. Autor: Daniela Stefanescu Armâneaşti T.E.

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International