Radio Romania International

Arhiva :

YILIPSEAREA A JURNALILOR DI AZA
(2007-09-14)
Atea dit soni aspuneari: 2007-09-14 14:36 EET Print
“Avem Patriarhu” – cundil’eadză jurnalu bucureştean GANDUL, după ţi, n’ercuri, Mitropolitlu a Moldovăl’ei şi a Bucovinăl’ei, Daniel (56 di an’i), fu aleptu tru caplu a Băsearicăl’ei Ortodoxă Romană (confesiune majoritară). Ama, adavgă jurnalu, avem Patriarhu tăş “după 40 di dzăli atacuri ţi nu s-au faptă pănă tora contra a Băsericăl’ei, a ierarhilor, a ortodoxiil’ei tru general, după ţi să scoasiră dosari, să spusiră cristii, s-alichiră cărţă ţi căfta nţăpătura şi s-priimnară bannere uruti, după ţi un cor di <> scoasi pi păzari naima nal’iurea panseuri ligati di pisti.” Acă aparentu apocaliptic, articolu yilipseaşti multu di tamama frimtarea electorală ţi nchisi unăoară cu dzălili di jali, orlea-zorlea teoretic, di după moartea a aţilui di ma ninti Patriarhu Teoctist. Acă, lugurseaşti ZIUA, “iţi suctsesor a aiştui aleptu di Sămtul Sinod vrea s-hibă hăirlătic, axit”, mintireaşili anamisa di aţeali dauă mări curenti dit Ortodoxia românescă - un modernizator şi ecumenic, cumăndusit di Daniel, alantu riguros-conservator, reprezentatu di contracandidatlu a lui, octogenarlu mitropolit a Clujlui, Bartolomeu – plăscăniră nafoara a Băsericăl’ei. Jurnali, canali di televiziuni, tercl’iuri politiţi şi emburi ambărţitară cu multă mirachi cauza a unlui ică a alăntui di tu candidaţ. Iara căndu tuti s-bitisiră, ngrăpseaşti JURNALUL NATIONAL, “tradiţionaliştil’i nu suntu dip hărioşi di rezultatlu a alidzearil’ei a Patriarhului, <> canda nu au frixi.” Acă, adavgă jurnalu “Băsearica nu poati să s-alăxească că maş tru plan organizatoric-administrativ. Dogmili şi canoanili armăn idyea.” Vidzăndalui tru Daniel “un manager tru sutană”, ROMANIA LIBERA pronosticheadză hăirlăticlu ti tută BOR, căţe “năulu Patriarhu alăxi Mitropolia a Moldovăl’ei tru un imperiu economic, cu trei n’il’i di lucrători ş-cu emburlăchi tru industria alimentară, turismu, comerţu, imobiliari şi mass-media”. “Afaceristu, carieristu, vindzător a Ortodoxiil’ei” – stipsescu tru EVENIMENTUL ZILEI, adversarl’ii al Daniel. Cum ţi s-hibă, tru dezbaterea publica, ecourli a campaniil’ei electorali par, s-hibă, eclipsati di atsea ţi COTIDIANUL nu tradzi mănă s- număsească un “cutreambur tru Băsearică: episcopi cu numă di cod”, niscănti ma pitoreşti di alanti, di la neaoaşili “Ionică” şi “Petru” la exotiţili “Bobi” şi “Casius”, tuti aleapti di poliţia politică a aţilui di ma ninti regim comunistu. Di Arad (ascăpitată) păn Suceava (nord-estu), nu ma puţăn di optu episcopii ortodoxi suntu cumăndusiti, speculeadză jurnalu, di prefţă ţi lucrară cu Securitatea. Ţi easti ndreptu, maş ti un golu, Andrei di Alba, alias “Ionica”, CNSAS lo apofasea ti poliţie politică. Cu un scor cabaia stres, dimi - ţinţi voturi tră, trei contra şi dauă trădzeri măna – şi tru caplu a niscăntor moeabeţ ahăntu, apreasi căţe, nica ngrăpsescu jurnalili, “membril’i a Colegiului era hăzări să s-ciucutească.” Textul: Bogdan Matei Armânipsearea: Taşcu Lala

		WMA
	64kbps :	1 2 3
	128kbps :	1 2 3
		MP3
	64kbps :	1 2 3
	128kbps :	1 2 3
		AAC+
	48kbps :	1 2 3
	64kbps :	1 2 3

Puteţ s-avdzâţ căndţido
aoa emisiun’ili RRI


Ascultaţ
Oarili la cari puteţ s-ascultaţ programili adrati di Secţia Armânească RRI pi Canalu 3 cu hroma veardi.
Oara (oara ali Românie)
17.30 - 18.00
19.30 - 20.00
21.30 - 22.00

Weather Forecast

Mascota istorica a RRI

© 1999 - 2011 Copyright Radio Romania International